ଭାରତରେ ନିରବ ମହାମାରୀର ରୂପ ନେଉଛି ହେପାଟାଇଟିସ୍ : ପ୍ରତିବର୍ଷ ଯାଉଛି ୧୩ ଲକ୍ଷରୁ ଅଧିକ ରୋଗୀଙ୍କ ଜୀବନ

କନକବ୍ୟୁରୋ : ଆଜି ବିଶ୍ୱ ହେପାଟାଇଟିସ୍ ଦିବସ। ଜନସାଧାରଣଙ୍କୁ ଏହି ରୋଗ ବିଷୟରେ ସଚେତନ କରିବା ଉଦ୍ଦେଶ୍ୟରେ ପ୍ରତି ବର୍ଷ ଜୁଲାଇ ୨୮ ତାରିଖରେ ବିଶ୍ୱ ହେପାଟାଇଟିସ୍ ଦିବସ ପାଳନ କରାଯାଇଥାଏ  ।  ଚଳିତ ବର୍ଷର ଥିମ ରହିଛି 'ଏହି ଜଟିଳ ରୋଗକୁ ସହଜ ଭାବେ ବୁଝିବା ଓ ଏହାର ଚିକିତ୍ସା ପ୍ରତି ସଚେତନତା ବଢାଇବା'   ।  ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁସାରେ ବିଶ୍ୱରେ ୪୦ଲକ୍ଷ ଲେ।କ ହେପାଟାଇଟିସ ବି ଓ ସି ରୋଗରେ ପୀଡ଼ିତ  ।  ଏହା ଏକ ସଂକ୍ରାମକ ରେ।ଗ ଯାହା ଭୂତାଣୁ ଜନିତ। ଏହା ଯକୃତକୁ ଆକ୍ରମଣ କରି ଛେ।ଟ ଛେ।ଟ ଛିଦ୍ର ସୃଷ୍ଟି କରି ଶରୀରର ସ୍ବାସ୍ଥ୍ୟ ଢାଞ୍ଚାକୁ କ୍ଷତି ପହଞ୍ଚାଥାଏ   । 

ଏହା ପାଞ୍ଚ ପ୍ରକାରର ଯଥା 'ଏ', 'ବି', 'ସି', 'ଡି' ଏବଂ 'ଇ'  । ଏଥି ମଧ୍ୟରୁ ହେପାଟାଇଟିସ୍ ବି ଓ ସି ଅଧିକ ଘାତକ ।  କାରଣ ଏହା ଲମ୍ବା ସମୟ ପର୍ଯ୍ୟନ୍ତ ମଣିଣର ଯକୃତକୁ କ୍ଷତି ପହଁଚାଇବା ସହ କର୍କଟ ହେବାର ଆଶଙ୍କାକୁ ବଢାଇଥାଏ  ।   ବିଶ୍ୱ ସ୍ୱାସ୍ଥ୍ୟ ସଂଗଠନର ତଥ୍ୟ ଅନୁଯାୟୀ ୨୦୨୨ରେ ପ୍ରାୟ ୧୩ ଲକ୍ଷ ଲୋକ କ୍ରୋନିକ୍ ହେପାଟାଇଟିସ୍ ବି ଓ ସି ରେ ମୃତ୍ୟୁବରଣ କରିଥିଲେ । ଅର୍ଥାତ ପ୍ରତିଦିନ ପ୍ରାୟ ୩୫୦୦ ଜଣଙ୍କର ମୃତ୍ୟୁ ହୋଇଥିଲା   ।   ସାରା ବିଶ୍ୱରେ ପ୍ରାୟ  ୩୫୪  ମିଲିୟନ୍ ଲୋକ ହେପାଟାଇଟିସ୍ ବି କିମ୍ବା ସିରେ ଆକ୍ରାନ୍ତ। ହେପାଟାଇଟିସ୍ ସହିତ ଜଡିତ ରୋଗ ଦ୍ୱାରା ପ୍ରତି  ୩୦ ସେକେଣ୍ଡରେ ଜଣଙ୍କର ମୃତ୍ୟୁ ହେଉଛି   ।

ଏହା ଦ୍ୱାରା ପ୍ରତିବର୍ଷ ପ୍ରାୟ ୧୩ଲକ୍ଷ ଲୋକଙ୍କ ମୃତ୍ୟୁ ଘଟୁଛି ।  ଭାରତରେ ୪୦ ମିଲିୟନ୍ ଲୋକ ହେପାଟାଇଟିସ୍ ବି ରେ ପୀଡ଼ିତ ଯାହା ବିଶ୍ୱରେ ଦ୍ୱିତୀୟ ସର୍ବାଧିକ  ।  ସେହିପରି ଦେଶରେ ପ୍ରାୟ ୬ରୁ ୧୨ ମିଲିୟନ୍ ଲୋକ ହେପାଟାଇଟିସ୍ ସି ରେ ପୀଡ଼ିତ ।  ଭାରତରେ ପ୍ରତିବର୍ଷ ହେପାଟାଇଟିସ୍ ଜନିତ ମୃତ୍ୟୁ ପ୍ରାୟ ୨ଲକ୍ଷ   । ଓଡ଼ିଶା ଭଳି ରାଜ୍ୟରେ ମଧ୍ୟ ହେପାଟାଇଟିସ୍ ବି ର ପ୍ରଭାବ ୨.୫%ରୁ ୩.୫% ।  କନ୍ଧମାଳ, କଳାହାଣ୍ଡି, କୋରାପୁଟ, ଗଜପତି ଜିଲ୍ଲାରେ ସର୍ବାଧିକ ମାମଲା ସାମ୍ନାକୁ ଆସିଛି  । ୨୦୨୩-୨୪ ବର୍ଷରେ ପ୍ରାୟ ୧.୨ଲକ୍ଷ ଲୋକଙ୍କ ସ୍କ୍ରିନିଂ କରାଯାଇଥିଲା, ସେଥିମଧ୍ୟରୁ ୭ହଜାର ରୁ ଅଧିକ ନୂଆ ମାମଲା ଚିହ୍ନଟ ହୋଇଛି ।