ଉତ୍ତର-ପୂର୍ବ ରାଜ୍ୟରେ ଭୟଙ୍କର ତୁଷାରପାତ : ଶୂନ୍ୟ ଡିଗ୍ରୀ ତଳେ ପାରଦ ଅନେକ ସ୍ଥାନରେ ବରଫ ବର୍ଷା

କନକବ୍ୟୁରୋ : ଉତ୍ତର ପୂର୍ବ ଭାରତରେ ଭୟଙ୍କର ଥଣ୍ଡା ।  ଜମ୍ମୁ-କାଶ୍ମୀର,  ହିମାଚଳପ୍ରଦେଶ ଏବଂ ଉତ୍ତରାଖଣ୍ଡ ଭଳି ପାହାଡି ରାଜ୍ୟରେ ଭୟଙ୍କର ତୁଷାରପାତ। ବର୍ଷା ସହ ତୁଷାରପାତ ପାଇଁ ଉତ୍ତର ଭାରତରେ ଭୟଙ୍କର ସ୍ଥିତି  । ଗତ ୨୪ ଘଣ୍ଟାରେ ଜମ୍ମୁ-କାଶ୍ମୀରର ପୁଲୱାମା, ଅନନ୍ତନାଗ, ଶୋପିୟାଂ ଓ କୁଲଗାମ୍‌ରେ ଦୁଇ ଦୁଇ ଫୁଟ୍‌ର ବରଫ ଜମି ଯାଇଛି  ।  ଭୟଙ୍କର ତୁଷାରପାତ ପାଇଁ ଶ୍ରୀନଗରେ ବିମାନବନ୍ଦରରେ ଶନିବାର ବିମାନ ଚଳାଚଳକୁ ବାତିଲ କରି ଦିଆଯାଇଥିଲା  ।  

ସେହିପରି ଜମ୍ମୁ-ଶ୍ରୀନଗର ଜାତୀୟ ରାଜପଥ ବନ୍ଦ ରହିଛି  ।  ଏଠାରେ ପ୍ରାୟ ୧୨ଶହ ଗାଡ଼ି ଫସି ରହିଛି   ।  ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ,  ଆଜି ମଧ୍ୟ ଉତ୍ତର ଭାରତରେ ପ୍ରବଳ ଶୀତ ଲହରୀ ଜାରି ରହିବ। ମଧ୍ୟପ୍ରଦେଶ,  ଉତ୍ତରପ୍ରଦେଶ, ରାଜସ୍ଥାନ, ପଞ୍ଜାବ, ହରିୟାଣା, ଦିଲ୍ଲୀରେ ତାପମାତ୍ରା ଆହୁରି ଖସି ୧ରୁ ୩ ଡିଗ୍ରୀ ହେବାର ସମ୍ଭାବନା ରହିଛି   ।   ସେପଟେ ଜମ୍ମୁ-କାଶ୍ମୀରରେ ତୁଷାରପାତର ମଜା ନେଉଛନ୍ତି ସ୍ଥାନୀୟ ଲୋକ  ।
--