ଗୁଜରାଟରେ ବନ୍ୟାର ଭୟଙ୍କର ଦୃଶ୍ୟ । କେଉଁଠି କୁମ୍ଭୀର ଶୋଇଛି, ଆଉ କେଉଁଠି କାର୍ ବାସୁଛି, ଫଟୋରେ ଫଟୋରେ ଦେଖନ୍ତୁ ବନ୍ୟାର ସ୍ଥିତି

କନକ ବ୍ୟୁରୋ : ଗୁଜରାଟରେ ଭୟଙ୍କର ବନ୍ୟା । ଯେଉଁସବୁ ଚିତ୍ର ସୋସିଆଲ୍ ମିଡିଆରେ ଭାଇରାଲ୍ ହେଉଛି, ତାହା ହିଁ ବୟାନ କରୁଛି ଗୁଜରାଟରେ ବନ୍ୟା ସ୍ଥିତି କେତେ ଭୟଙ୍କର ହୋଇପଡିଛି । କେଉଁଠି ଲୋକ ଫସି ରହିଛନ୍ତି ତ ଆଉ କେଉଁଠି ପାଣିରେ ଗାଡି ବୁଡିଯାଇଛି । ଆଉ କେଉଁଠି ତ ଛାତ ଉପରେ କୁମ୍ଭୀର ଶୋଇଥିବାର ଚିତ୍ର ଦେଖିବାକୁ ମିଳିଛି । ଆସନ୍ତୁ ଫଟୋରେ ଫଟୋରେ ଦେଖିବା ଗୁଜରାଟର ବନ୍ୟାର ବିକଲ ସ୍ଥିତି...

ସର୍ବପ୍ରଥମେ ଆପଣ ଏହି ଚିତ୍ରକୁ ଦେଖନ୍ତୁ... ଏହି ଚିତ୍ର ଆପଣଙ୍କୁ ନିଶ୍ଚୟ ବିଚଳିତ କରିଦେବ । ଆପଣ ଭାବବିହ୍ୱଳ ହୋଇପଡିବେ । ଦେଖନ୍ତୁ କିପରି ଜଣେ ଯବାନ କୁନି ବୟଷ୍କ ମହିଳାଙ୍କୁ ପିଠିରେ ବୋହି ନେଉଛନ୍ତି । କେବଳ ଏହି ଗୋଟିଏ ଚିତ୍ର ନୁହେଁ ଏହିପରି ଅନେକ, କୁନି ପିଲାଙ୍କଠୁ ନେଇ ବୟଷ୍କ ପର୍ଯ୍ୟନ୍ତ ପାମି ଘେରରେ ଫସି ରହିଛନ୍ତି । 

ଏବେ ଆଉ ଏକ ଚିତ୍ର ହେଖନ୍ତୁ... ପାଣିରେ ରାସ୍ତା ଧୋଇଯାଇଛି । କାର ଗୁଡିକ ପାଣିରେ ଭାସୁଛି । ଏହିଭଳି ଚିତ୍ର ଅନେକ ସ୍ଥାନରେ ଦେଖିବାକୁ ମିଳିଛି । 

ଏବେ ଏହି ଚିତ୍ର ଆପଣଙ୍କୁ ଭୟଭିତ କରିପାରେ, ଗୁଜରାଟ ବନ୍ୟା ଅଞ୍ଚଳରେ ବର୍ତ୍ତମାନ କୁମ୍ବୀର ଆତଙ୍କ ଦେଖିବାକୁ ମିଳିଛି । ଦେଖନ୍ତୁ କିପରି ଗୋଟେ କୁମ୍ଭୀର ବନ୍ୟା ଜଳରୁ ବାହାରି ଛାତ ଉପରେ ଶୋଇରହିଛି । ଏହି ଦୃଶ୍ୟ ଦେଖିବା ପରେ ପାଣିରେ ପଶିବା ପାଇଁ ବି ଲୋକେ ଡରୁଛନ୍ତି ।