କନକ ବ୍ୟୁରୋ : ଭାରତ-ପାକିସ୍ତାନ ମ୍ୟାଚକୁ ନେଇ ସୁପ୍ରିମକୋର୍ଟରେ ବଡ଼ ଶୁଣାଣି । ସେପ୍ଟେମ୍ବର ୧୪ ତାରିଖରେ ଦୁବାଇରେ ହେବାକୁ ଥିବା ମ୍ୟାଚ୍‌ ବାତିଲ କରିବା ପାଇଁ ରୁଜୁ ହୋଇଥିବା ମାମଲାର ଶୁଣାଣି ପାଇଁ ମନା କଲେ ସର୍ବୋଚ୍ଚ ଅଦାଲତ । ଜଷ୍ଟିସ୍‌ ଜେ.କେ. ମହେଶ୍ୱରୀ ଓ ଜଷ୍ଟିସ ବିଜୟ ବିଷ୍ଣୋଇଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, ଏହା କେବଳ ଏକ ମ୍ୟାଚ୍‌, ଏହାକୁ ହେବାକୁ ଦିଅନ୍ତୁ । ପିଟିସନରେ ପହଲଗାମ ଆତଙ୍କବାଦୀ ଆକ୍ରମଣ  ଓ ଅପରେସନ୍‌ ସିନ୍ଦୂର ପରେ ଏହି ମ୍ୟାଚ୍‌ ଜାତୀୟ ଗୌରବ ଓ ଜନସାଧାରଣଙ୍କ ମନୋଭାବକୁ ଅପମାନ କରୁଥିବା ଯୁକ୍ତି ଦର୍ଶାଯାଇଥିଲା, କିନ୍ତୁ ସୁପ୍ରିମକୋର୍ଟ ଏହାକୁ ଜରୁରୀ ନୁହେଁ ବୋଲି କହି ଶୁଣାଣି କରିବାକୁ ମନା କରିଛନ୍ତି । ଏପ୍ରିଲ୍‌ ମାସରେ ପହଲଗାମରେ ପାକିସ୍ତାନ ପ୍ରାୟୋଜିତ ଆତଙ୍କୀ  ହମଲାରେ ୨୬ ଜଣଙ୍କ ମୃତ୍ୟୁ ଘଟିଥିଲା । ଯାହା ପରେ ଦୁଇ ଦେଶ ମଧ୍ୟରେ ସାମରିକ ସଂଘର୍ଷ ହୋଇଥିଲା । 

Advertisment

ତେବେ ବିସିସିଆଇ ସରକାରୀ ନିର୍ଦ୍ଦେଶ ଅନୁଯାୟୀ ବହୁପାକ୍ଷିକ ଟୁର୍ଣ୍ଣାମେଣ୍ଟରେ ପାକିସ୍ତାନ ସହ ଖେଳିବ ।  କିନ୍ତୁ ଦ୍ୱିପାକ୍ଷିକ ମ୍ୟାଚ୍‌ ଖେଳ ନିଷେଧ ରହିଛି । ଏସିଆ କପ୍‌ରେ ଭାରତ ଓ ପାକିସ୍ତାନ ଗ୍ରୁପ୍‌-ଏରେ ରହିଛନ୍ତି, ସେପ୍ଟେମ୍ବର ୨୧ ଓ ୨୮ରେ ଆଉ ଦୁଇଥର ମୁହାଁମୁହିଁ ହେବାର ସମ୍ଭାବନା ରହିଛି ।

ଭାରତ-ପାକ୍ ମ୍ୟାଚ୍ ନେଇ ‘ସୁପ୍ରିମ୍’ ଶୁଣାଣି 
ମ୍ୟାଚ୍‌ ବାତିଲ ପାଇଁ ରୁଜୁ ହୋଇଥିଲା ମାମଲା
ଶୁଣାଣି ପାଇଁ ମନା କଲେ ସର୍ବୋଚ୍ଚ ଅଦାଲତ 
କହିଲେ- ଏହା କେବଳ ଏକ ମ୍ୟାଚ୍‌, ଏହାକୁ ହେବାକୁ ଦିଅନ୍ତୁ
ପହଲଗାମ୍ ଆକ୍ରମଣ ପରେ ମ୍ୟାଚ୍ ପାଇଁ କରାଯାଇଥିଲା ଆପତ୍ତି
ମ୍ୟାଚ୍‌ ଜାତୀୟ ଗୌରବକୁ ଅପମାନ କରୁଥିବା ଯୁକ୍ତି ଦର୍ଶାଯାଇଥିଲା
ସୁପ୍ରିମକୋର୍ଟ ଏହାକୁ ଜରୁରୀ ନୁହେଁ ବୋଲି କହିଛନ୍ତି