କନକ ବ୍ୟୁରୋ: ହରିୟାଣା ସରକାର ମହିଳାମାନଙ୍କ ପାଇଁ ଏକ ନୂତନ ଯୋଜନା ଆରମ୍ଭ କରିଛନ୍ତି, ଯାହା ପ୍ରତି ମାସରେ ୨୦ ଲକ୍ଷ ମହିଳାଙ୍କୁ ଆର୍ଥିକ ସହାୟତା ପ୍ରଦାନ କରିବ । ଏହି ଯୋଜନାର ଲକ୍ଷ୍ୟ ହେଉଛି ମହିଳାମାନଙ୍କୁ ଆର୍ଥିକ ଭାବରେ ସଶକ୍ତ ଏବଂ ଆତ୍ମନିର୍ଭରଶୀଳ କରିବା । ହରିୟାଣା ମୁଖ୍ୟମନ୍ତ୍ରୀ ନାଇବ ସିଂହ ସାଇନି ଗୁରୁବାର ଘୋଷଣା କରିଛନ୍ତି ଯେ ରାଜ୍ୟ ସରକାର ସେପ୍ଟେମ୍ବର ୨୫ ରୁ 'ଦୀନ ଦୟାଲ ଲାଡୋ ଲକ୍ଷ୍ମୀ ଯୋଜନା' କାର୍ଯ୍ୟକାରୀ କରିବେ, ଯାହା ଅଧୀନରେ ଯୋଗ୍ୟ ମହିଳାଙ୍କୁ ମାସିକ  ୨୧୦୦ ଆର୍ଥିକ ସହାୟତା ଦିଆଯିବ । 

Advertisment

ଏହି ଯୋଜନାଟି ମହିଳାମାନଙ୍କୁ ଆର୍ଥିକ ଦୃଷ୍ଟିରୁ ସ୍ୱାବଲମ୍ବୀ କରିବା ସହିତ ସେମାନଙ୍କର ଜୀବନଶୈଳୀରେ ଉନ୍ନତି ଆଣିବାରେ ସହାୟକ ହେବ। ଏହି ଯୋଜନାର ମୂଳ ଲକ୍ଷ୍ୟ ହେଉଛି ଗ୍ରାମାଞ୍ଚଳ ଏବଂ ସହରାଞ୍ଚଳର ଆର୍ଥିକ ଦୁର୍ବଳ ଶ୍ରେଣୀର ମହିଳାମାନଙ୍କୁ ସିଧାସଳଖ ଆର୍ଥିକ ସହାୟତା ପ୍ରଦାନ କରିବା । ଏହା ମହିଳାମାନଙ୍କୁ ଛୋଟମୋଟ ଆବଶ୍ୟକତା ପୂରଣ କରିବାରେ, ଶିକ୍ଷା ଏବଂ ସ୍ୱାସ୍ଥ୍ୟ କ୍ଷେତ୍ରରେ ଉପଯୋଗ କରିବାରେ ଏବଂ ଆତ୍ମନିର୍ଭରଶୀଳ ହେବାରେ ସାହାଯ୍ୟ କରିବ। ମାସିକ ୨୧୦୦ ଟଙ୍କାର ସହାୟତା ସେମାନଙ୍କୁ କୌଣସି ପ୍ରକାରର ଆର୍ଥିକ ସଙ୍କଟରୁ ମୁକ୍ତି ଦେବା ସହ ନିଜ ପରିବାରର ଉନ୍ନତି ପାଇଁ କାର୍ଯ୍ୟ କରିବାକୁ ପ୍ରେରିତ କରିବ। 

ଏହି ଯୋଜନାର ଲାଭ କିଏ ନେଇପାରିବେ? 
ସାଇନି କହିଛନ୍ତି ଯେ ଏହି ଯୋଜନା ବିଜେପି ଆଦର୍ଶବାଦୀ ଦୀନଦୟାଲ ଉପାଧ୍ୟାୟଙ୍କ ଜନ୍ମବାର୍ଷିକୀ ଅବସରରେ ଆରମ୍ଭ କରାଯିବ । ଏହି ଯୋଜନା ବିଷୟରେ ମୁଖ୍ୟମନ୍ତ୍ରୀ କହିଛନ୍ତି ଯେ ୨୩ ବର୍ଷ କିମ୍ବା ତା’ଠାରୁ ଅଧିକ ବୟସର ମହିଳା-ବିବାହିତ କିମ୍ବା ଅବିବାହିତ ଏହି ଯୋଜନା ପାଇଁ ଯୋଗ୍ୟ ହେବେ।  ପ୍ରଥମ ପର୍ଯ୍ୟାୟରେ, ୧ ଲକ୍ଷ ଟଙ୍କାରୁ କମ୍ ଆୟ ଥିବା ମହିଳାଙ୍କୁ ଏହି ଯୋଜନାର ଲାଭ ଦିଆଯିବ ।  ପ୍ରଥମ ପର୍ଯ୍ୟାୟରେ ପ୍ରାୟ ୧୯ ରୁ ୨୦ ଲକ୍ଷ ମହିଳା ଏହି ଯୋଜନାରେ ଉପକୃତ ହେବେ ବୋଲି ଆକଳନ କରାଯାଉଛି । ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଏହି ଯୋଜନାକୁ ପର୍ଯ୍ୟାୟକ୍ରମେ ବିସ୍ତାର କରାଯିବ, ଯାହାଦ୍ୱାରା ଅଧିକ ଆୟ ଗୋଷ୍ଠୀକୁ ମଧ୍ୟ ଏଥିରେ ସାମିଲ କରାଯାଇପାରିବ ।   

ମୁଖ୍ୟମନ୍ତ୍ରୀ ସ୍ପଷ୍ଟ କରିଛନ୍ତି ଯେ ପରିବାରରେ ହିତାଧିକାରୀଙ୍କ ସଂଖ୍ୟା ଉପରେ କୌଣସି ସୀମା ରହିବ ନାହିଁ । ଯଦି ଗୋଟିଏ ପରିବାରର ତିନି ଜଣ ମହିଳା ଏହି ଯୋଜନା ପାଇଁ ଯୋଗ୍ୟ ହୁଅନ୍ତି, ତେବେ ସମସ୍ତ ତିନି ଜଣଙ୍କୁ ଭତ୍ତା ଦିଆଯିବ। ଯୋଗ୍ୟତା ପାଇଁ, ମହିଳା ନିଜେ କିମ୍ବା ଯଦି ସେ ବିବାହିତ, ତେବ ସମସ୍ତ ତିନି ଜଣଙ୍କୁ ଭତ୍ତା ଦିଆଯିବ। ଯୋଗ୍ୟତା ପାଇଁ, ମହିଳା ନିଜେ କିମ୍ବା ଯଦି ସେ ବିବାହିତ, ତେବେ ତାଙ୍କ ସ୍ୱାମୀ ଅତି କମରେ ୧୫ ବର୍ଷ ପାଇଁ ହରିୟାଣାର ବାସିନ୍ଦା ହୋଇଥିବା ଉଚିତ ।   

କିପରି ଆବେଦନ କରିବେ? 
ମହିଳାମାନେ ଘରୁ ଆବେଦନ କରିପାରିବେ ସେଥିପାଇଁ ଏକ ଆପ୍‌ ଲଞ୍ଚ କରାଯିବ। ସ୍ୱଚ୍ଛତା ସୁନିଶ୍ଚିତ କରିବା ପାଇଁ, ଯୋଗ୍ୟ ହିତାଧିକାରୀଙ୍କ ତାଲିକା ପଞ୍ଚାୟତ ଏବଂ ୱାର୍ଡରେ ମଧ୍ୟ ଲଗାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।