କନକ ବ୍ୟୁରୋ : ହରିଆଣାରେ ଚଳିତମାସ ୫ ତାରିଖରେ ଭୋଟ ପଡିବ । ଆଜି ହେଉଛି ନିର୍ବାଚନ ପ୍ରଚାରର ଶେଷ ଦିନ । ଶେଷ ଦିନରେ ପ୍ରାର୍ଥୀମାନେ ସେମାନଙ୍କ ପ୍ରଚାରକୁ ଜୋରଦାର କରିଛନ୍ତି । ହେଲେ ଏହି ପ୍ରଚାରରେ ସାମିଲ ହୋଇଛନ୍ତି ଭାରତୀୟ କ୍ରିକେଟ ଟିମର ପୂର୍ବତନ ଖେଳାଳୀ ବୀରେନ୍ଦ୍ର ସେହୱାଗ । ସେ କଂଗ୍ରେସ ପ୍ରାର୍ଥୀ ଅନିରୁଦ୍ଧ ଚୌଧୁରୀଙ୍କ ପାଇଁ ପ୍ରଚାର କରିଛନ୍ତି । ଏନେଇ ଗଣମାଧ୍ୟମକୁ ସେହୱାଗ କହିଛନ୍ତି କି, ସେ ଋଣ ସଝୁଛନ୍ତି, ଜଣେ ବଡ ଭାଇ ଯଦି କିଛି ଭଲ କାମ କରିବାକୁ ଯାଉଛନ୍ତି ତେବେ ମିଳିମିଶି ତାଙ୍କୁ ସାହାଯ୍ୟ କରିବାକୁ ସମସ୍ତେ ଆଗେଇ ଆସିବାକୁ ସେ ଆହ୍ୱାନ ଦେଇଛନ୍ତି । ସେହୱାଗ କହିଛନ୍ତି କି ଅନିରୁଦ୍ଧ ଚୌଧୁରୀ ନିର୍ବଚନ ପ୍ରଚାର ବେଳେ ଜନତାଙ୍କୁ ଯେଉଁ ପ୍ରତିଶ୍ରୁତି ଦେଇଛନ୍ତି ତାହା ଅବସ୍ୟ ସେ ପୂରଣ କରିବେ । 
ସୂଚନା ଥାଉକି ହରିଆଣାର ତୋସାମ ଆସନରେ ଲଢେଇ ବେଶ୍ ରୋଚକ ହୋଇଛି । ଏହି ଅସନରୁ ପୂର୍ବତନ ମୁଖ୍ୟମନ୍ତ୍ରୀ ବଂଶୀଲାଲଙ୍କ ନାତୁଣୀ ଶ୍ରୁତି ଚୌଧୁରୀ ଓ ନାତି ଅନିରୁଦ୍ଧ ଚୌଧୁରୀ ପରସ୍ପର ବିରୋଧରେ ଲଢୁଛନ୍ତି । ୨୦୨୪ ମସିହାରେ ଶ୍ରୁତିଙ୍କୁ କଂଗ୍ରେସ ଟିକେଟ ନଦେବାରୁ ସେ ମା କିରଣ ଚୌଧୁରୀଙ୍କ ସହ ବିଜେପିରେ ସାମିଲ ହୋଇଥିଲେ ।