ଷ୍ଟିଲସିଟିରେ କଥା କଥାକେ ଫୁଟୁଛି ଗୁଳି, କେଉଁଠୁ ଆସୁଛି ମାରଣାସ୍ତ ? କୁଆଡ଼େ ଲମ୍ବିଛି ଚେର ?

କନକ ବ୍ୟୁରୋ :  ଷ୍ଟିଲ୍ ସିଟି ରାଉରକେଲାରେ ଏବେ କଥା କହୁଛି ବନ୍ଧୁକ । ଛୁରି, ଭୁଜାଲି ନୁହେଁ, କଥା କଥାକେ ଫୁଟୁଛି ଗୁଳି । ଅନେକ ଅଭିଯୁକ୍ତଙ୍କୁ ପୁଲିସ ବାନ୍ଧୁଥିଲେ ବି ବେଆଇନ ବନ୍ଧୁକ କାରବାରରେ ରୋକ୍ ଲଗାଇ ପାରୁନି ।

ଅଧିକ ପଢ଼ନ୍ତୁ :  ରାଜଧାନୀରୁ ରାଉରକେଲା,ବାଲେଶ୍ବରରୁ ବାରିପଦା ; ସକାଳ ହେଉ କି ସଞ୍ଜ ନାରୀ ଏଠି ନୁହେଁ

ଅପରାଧୀଙ୍କ ପାଖରେ ବନ୍ଧୁକ ଭଳି ମାରଣାସ୍ତ୍ର । ବାଲିଘାଟକୁ ନେଇ କାରବାର ହେଉ କି ଖଣି ଅଞ୍ଚଳରେ ଟ୍ରାନ୍ସପୋର୍ଟରଙ୍କୁ ଲୁଟ୍ । ବିଭିନ୍ନ ଅପରାଧ ପାଇଁ ବନ୍ଧୁକ ସାଜିଛି ଅପରାଧୀଙ୍କ ଅସ୍ତ୍ର। ସୂଚନା ଅନୁଯାୟୀ ୩ ବର୍ଷ ଭିତରେ ରାଉରକେଲାରୁ ଜବତ ହେଲାଣି ୬୦ରୁ ଅଧିକ ବନ୍ଧୁକ । ଆଉ ଏ ବେଆଇନ ବନ୍ଧୁକ କାରବାରରେ ବନ୍ଧା ହେଲେଣି ୧୨୨ ଜଣ। ଯାହାକୁ ନେଇ ଏବେ ଆତଙ୍କିତ ସହରବାସୀ ।

 ୨୦୨୨ରେ ମୋଟ ୨୩ଟି ବନ୍ଧୁକ ଓ ପିସ୍ତଲ ଜବତ ହୋଇଥିଲା, ଯେଉଁଥିରେ ୪ଟି ଏକେ-୪୭ ଭଳି ମାରଣାସ୍ତ୍ର ରହିଥିଲା । ସେହିପରି ୨୦୨୩ରେ ୪ଟି ବନ୍ଧୁକ ଜବତ ହୋଇଥିବା ବେଳେ ଗିରଫ ହୋଇଥିଲେ ୧୧ ଜଣ। ୨୦୨୪ରେ ୮ଟି ବନ୍ଧୁକ ଓ ପିସ୍ତଲ ଜବତ ହୋଇଥିଲା । ମାମଲାରେ ବନ୍ଧା ହୋଇଥିଲେ ୧୪ ଜଣ। ସେହିପରି ୨୦୨୫ ନଭେମ୍ବର ସୁଦ୍ଧା ୨୭ଟି ବନ୍ଧୁକ ଓ ପିସ୍ତଲ ଜବତ ହୋଇଛି । ଏବେବି ଘଟଣାର ଅନେକ ମାଷ୍ଟରମାଇଣ୍ଡକୁ ଖୋଜୁଛି ପୁଲିସ। 

ଅଧିକ ପଢ଼ନ୍ତୁ :  ‘ଦ ଭଏସ୍‌ ଅଫ୍‌ ରାଉରକେଲା’ ବ୍ୟୁରୋ ଉଦ୍‌ଘାଟିତ : ବିକଶିତ ରାଉରକେଲା ହେଉଛି ବିକଶିତ ଓଡ଼ିଶାର ଅଂଶ: ତନୟା ପଟ୍ଟନାୟକ

୨୦୨୨: ୪ଟି ଏକେ-୪୭ ସହ ୨୩ଟି ବନ୍ଧୁକ ଓ ପିସ୍ତଲ ଜବତ
୨୦୨୩: ୪ଟି ବନ୍ଧୁକ ଜବତ, ୧୧ ଗିରଫ
୨୦୨୪: ୮ଟି ବନ୍ଧୁକ ଓ ପିସ୍ତଲ ଜବତ, ୧୪ ଗିରଫ
୨୦୨୫: ୨୭ଟି ବନ୍ଧୁକ ଓ ପିସ୍ତଲ ଜବତ
 ସୂଚନା ଅନୁଯାୟୀ ଝାଡ଼ଖଣ୍ଡ, ବିହାର ମୁଙ୍ଗେର ଏବଂ ପଶ୍ଚିମବଙ୍ଗରୁ ଆସୁଛି ପୁଳାପୁଳା ବନ୍ଧୁକ। ଏଠି ପ୍ରଶ୍ନ ଉଠୁଛି ସହର ଭିତରକୁ ଏତେ ପରିମାଣର ବନ୍ଧୁକ ଆସୁଛି କେମିତି? କେଉଁ ଗଳାବାଟ ଦେଇ ଆସୁଛି ମାରଣାସ୍ତ୍ର?