ମୋହନ ସରକାରଙ୍କ ନୂଆ ନିର୍ଦ୍ଦେଶନାମା; ରି-ଫଣ୍ଡ୍‌ ହେବ ପ୍ରବେଶିକା ପରୀକ୍ଷା ଫି’

କନକ ବ୍ୟୁରୋ: ସାଧାରଣ ପ୍ରଶାସନ ବିଭାଗର ଅତିରିକ୍ତ ଶାସନ ସଚିବ ଓପିଏସସି, ଓଏସଏସସି ଏବଂ ଓ ଏସଏସଏସସିକୁ ଚିଠି ଲେଖିଛନ୍ତି । ଏଥିରେ କୁହାଯାଇଛି, ବିଭିନ୍ନ ଚାକିରି ପ୍ରବେଶିକା ପରୀକ୍ଷା ପାଇଁ ନେଉଥିବା ଫିସ୍‌କୁ ପରବର୍ତ୍ତୀ ସମୟରେ ଫେରାଇ ଦିଆଯିବ । ଯେଉଁମାନେ ପରୀକ୍ଷାରେ ଭାଗ ନେବେ, କେବଳ ସେମାନଙ୍କୁ ଫେରସ୍ତ ହେବ । ଅର୍ଥାତ ଯେଉଁମାନେ ଫିସ୍‌ ଭରିବା ସତ୍ତ୍ୱେ ପରୀକ୍ଷା ଦେବାକୁ ଆସୁନାହାନ୍ତି ସେମାନଙ୍କୁ ନିରୁତ୍ସାହିତ କରିବାକୁ ସରକାର ଏଭଳି ପଦକ୍ଷେପ ନେଇଛନ୍ତି । ମୋହନ ସରକାରଙ୍କ ଏଭଳି ପଦକ୍ଷେପକୁ ସ୍ୱାଗତ କରିଛନ୍ତି ଆଶାୟୀ ।

ଅନେକଙ୍କ ପାଇଁ ପ୍ରବେଶିକା ପରୀକ୍ଷା ଫି' ହୁଏତ ବିଶେଷ ଗୁରୁତ୍ୱ ରଖୁନଥିବ । ହେଲେ ଯୁବ ବୈଜ୍ଞାନିକ ଶେଷଦେବ କିଶାନଙ୍କ କାହାଣୀ, ଏ କ୍ଷେତ୍ରରେ ଏକ ଦୃଷ୍ଟାନ୍ତମୂଳକ ଉଦାହରଣ । କନକ ନ୍ୟୁଜର ସ୍ୱତନ୍ତ୍ର କାର୍ଯ୍ୟକ୍ରମ ଉତ୍କର୍ଷରେ ସେ ନିଜ ଅନୁଭୂତି ବାଣ୍ଟିଥିଲେ । ଜଣେ ଶିକ୍ଷକଙ୍କଠାରୁ କିଭଳି ୫୦୦ ଟଙ୍କା ଆଣି ସେ କେବଳ ଗୋଟିଏ ପ୍ରବେଶିକା ପରୀକ୍ଷା ଦେବାକୁ ସକ୍ଷମ ହୋଇଥିଲେ ଓ ନାଇଜରରେ ପାଠ ପଢ଼ିବାର ସୁଯୋଗ ପାଇଲେ ସେହି କଥା କହିଲାବେଳେ ଭାବବିହ୍ୱଳ ହୋଇପଡ଼ିଥିଲେ ଶେଷଦେବ କିସାନ ।

ତେବେ ବିଡ଼ମ୍ବନାର କଥା ହେଉଛି ସମସ୍ତ ପ୍ରବେଶିକା ପରୀକ୍ଷା ଫି' ଛାଡ଼ କରିବାକୁ ୨୦୨୨ରେ ଏକ ଚିଠି କରିଥିଲା ସେହି ଜିଏ ବିଭାଗ । ତତ୍କାଳୀନ ସରକାର ଏଭଳି ନିଷ୍ପତ୍ତି କରିସାରିଥିବାବେଳେ, ଏବେ ପୁଣି କାହିଁକି ରି-ଫଣ୍ଡ୍ କରିବାକୁ ନିଷ୍ପତ୍ତି ହେଲା ତାକୁ ନେଇ ଦ୍ୱନ୍ଦ୍ୱ ବଢ଼ିଛି । ପ୍ରଶ୍ନ ଉଠୁଛି...