ପାରାଦୀପରେ IOCLର ନୂଆ ପ୍ରକଳ୍ପ ନେଇ ସରକାରଙ୍କୁ ଟାର୍ଗେଟ: ୨୦୧୮ରେ ନବୀନ ପଟ୍ଟନାୟକ ଆଇଓସିଏଲକୁ ଚିଠି ଲେଖିଥିବା କହିଲା ବିଜେଡି

କନକ ବ୍ୟୁରୋ: ପାରାଦୀପରେ IOCLର ନୂଆ ପ୍ରକଳ୍ପ ନେଇ ମୁଖ୍ୟମନ୍ତ୍ରୀ କରିଥିବା ଚୁକ୍ତି ଉପରେ ବିଜେଡିର ସାମ୍ବାଦିକ ସମ୍ମିଳନୀ । IOCL ସହିତ ପାରାଦୀପରେ ହେବାକୁ ଥିବା ଯେଉଁ ପ୍ରକଳ୍ପ ପାଇଁ ଚୁକ୍ତି ହୋଇଛି, ୨୦୧୮ରେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ IOCLକୁ ଏ ବାବଦରେ ଚିଠି ଲେଖିଥିଲେ । ୨୦୧୯ରେ IOCL ନିବେଶ ପାଇଁ ପ୍ରସ୍ତାବ ଗ୍ରହଣ କରିଥିଲେ । ୨୦୨୩ରେ ତତ୍କାଳୀନ ସରକାର ତାଙ୍କୁ ସୁବିଧା ସୁଯୋଗ ଯୋଗାଇ ଦେବା ପାଇଁ ସମସ୍ତ ବ୍ୟବସ୍ଥା କରିଥିଲେ । ତତ୍କାଳୀନ ସଚିବ ଗଣମାଧ୍ୟମକୁ ଜଣାଇଥିଲେ । ଏବେର ବିଜେପି ସରକାର କିଛି ନୂଆ ନକରି ନବୀନ ବାବୁଙ୍କ କାର୍ଯ୍ୟର ନାଁ ନେଇ ବାହାବାହା ନେବାକୁ ଚେଷ୍ଟା କରୁଛି ବୋଲି କହିଛନ୍ତି ବିଜେଡି ନେତା ତଥା ନବୀନଙ୍କ ରାଜନୈତିକ ସଚିବ ସଂତୃପ୍ତ ମିଶ୍ର ।