କନକବ୍ୟୁରୋ : ସରକାରୀ ଚାକିରୀ ଦେବାକୁ କହି ୧୮ ଲକ୍ଷ ଟଙ୍କା ଠକେଇ ଅଭିଯୋଗରେ ନରେଶ ବାରିକ ଓରଫ ବୁଟୁ  ଗିରଫ ।  ଅଭିଯୁକ୍ତର ଘର ଚନ୍ଦ୍ରଶେଖରପୁର  ଅନ୍ତର୍ଗତ  ପ୍ରଗତି ବିହାରରେ ବୋଲି ଜଣାପଡ଼ିଛି ।  କେତେବେଳେ ନିଜକୁ ନାଲ୍‌କୋ ଏଜିଏମ ତ ଆଉ କେତେବେଳେ ରିଲାଏନ୍ସ ଭି.ପି ଭାବେ ପରିଚୟ ଦିଏ ।  କିନ୍ତୁ ପ୍ରକୃତରେ ଇଏ ଜଣେ ଦଲାଲ ।  

Advertisment

ଚାକିରି ଆଶାୟୀଙ୍କ  ଠାରୁ ୨୦୨୧ ମସିହାରୁ ନାଲକୋରେ ଚାକିରୀ ଦେବାକୁ କହି ନେଇ ଯାଇଥିଲେ ୧୮ ଲକ୍ଷ ଟଙ୍କା ।  ଆଉ ପ୍ରତି ବଦଳରେ ଦେଇଥିଲା  ଜାଲ ଡକ୍ୟୁମେଣ୍ଟ  ।  ଫେକ୍ ଆପଏଣ୍ଟମେଣ୍ଟ ଲେଟର, ଜଏନିଂ ଲେଟର, ଗେଟ ପାସ୍  ।   ଏପରିକି ଅବିକଳ ଦିଶୁଥିବା ଜାଲି ଆଇକାର୍ଡ ମଧ୍ୟ ।  ଏଭଳି ସାଙ୍ଘାତିକ ଅଭିଯୋଗ ଆଣି ଠକେଇର ଶିକାର ଯୁବକ ସର୍ବେଶ୍ୱର ସାମଲ ବଡଗଡ଼ ଥାନାର ଦ୍ୱାରସ୍ଥ ହେବା ପରେ ଏହି କରିତକର୍ମା ଜଣଙ୍କୁ କୋର୍ଟଚାଲାଣ କରାଯାଇଛି ।  ଠକେଇ ସିଣ୍ଡିକେଟ ରେ ସମ୍ପୃକ୍ତ ଅନ୍ୟତମ ଅଭିଯୁକ୍ତ ଦିଲ୍ଲୀପ ଭଟ୍ଟାକୁ ଖୋଜୁଛି ପୁଲିସ୍  ।