କନକ ବ୍ୟୁରୋ : ନବ ଦାସଙ୍କ ହତ୍ୟାକୁ  ନେଇ ଆସିଲା ବଡ ଖବର ।  ଗୋପାଳ ଦାସଙ୍କ ଓକିଲ ନରେଶ ନାୟକଙ୍କ ଚାଞ୍ଚଲ୍ୟକର ବୟାନ ।   କହିଲେ   ନବ ଦାସଙ୍କୁ ହତ୍ୟା କରିନି  ଗୋପାଳ ।   ଘଟଣା ଦିନ  ନବଙ୍କ ସୁରକ୍ଷା  ପାଇଁ ମୁତୟନ ଥିଲେ  ଗୋପାଳ ।  ସେ ଗୁଳି  ବା ବାଣ  ଫୁଟିଲା ପରି ଶବ୍ଦ ଶୁଣିଥିଲେ ।

Advertisment

 ତେଣୁ  ସତର୍କ ହୋଇ ତୁରନ୍ତ ବ୍ଲାଙ୍କ ଫାୟାର  କରଥିଲେ ଗୋପାଳ ।  ତିନି ଥର ବ୍ଲାଙ୍କ ଫାୟାର  କରିଥିଲେ ଗୋପାଳ ।  ତାଙ୍କ ବନ୍ଧୁକର ଗୁଳିରେ ନବ ଦାସଙ୍କ ମୃତ୍ୟୁ ହୋଇନି ।  ଅନ୍ୟ କାହା ଗୁଳିରେ ନବଙ୍କ ମୃତ୍ୟୁ ହୋଇଥାଇପାରେ ବୋଲି ଏପରି ସାଙ୍ଘାତିକ ବୟାନ  ଦେଇଛନ୍ତି ଗୋପାଳ ଦାସଙ୍କ ଓକିଲ।  

2023ରେ  ୨୯ ଜାନୁଆରୀରେ ଗୁଳି କରି ହତ୍ୟା କରାଯାଇଥିଲା ମନ୍ତ୍ରୀ ନବ ଦାସଙ୍କୁ ।  ତଦନ୍ତ ପରେ  ଜଣାପଡିଥିଲା   ଏଏସଆଇ  ଗୋପାଳ ଦାସ ନବଙ୍କୁ ଗୁଳି କରି ହତ୍ୟା କରିଥିଲେ ।  ନବ ଦାସଙ୍କ ହତ୍ୟା ମାମଲାରେ ସରଗରମ ହୋଇଥିଲା ରାଜ୍ୟ ରାଜନୀତି । ନବ ଦାସ ହତ୍ୟା ମାମଲାରେ ଅଭିଯୁକ୍ତ ସାବ୍ୟସ୍ତ ହୋଇଥିଲେ ଗୋପାଳ ।

୫୦୦ ପୃଷ୍ଠାର ଚାର୍ଜସିଟରେ କ୍ରାଇମବ୍ରାଞ୍ଚ ଚାଞ୍ଚଲ୍ୟକର ତଥ୍ୟ ମଧ୍ୟ ରଖିଥିଲା । ନବଙ୍କୁ ହତ୍ୟା ପାଇଁ ଲଣ୍ଡା ହୋଇ ଶପଥ ନେଇଥିଲା ଅଭିଯୁକ୍ତ ଗୋପାଳ ଦାସ । ନିଜ ଭାଇଙ୍କ ସହ ସମ୍ବଲପୁର ସମଲେଇ ମନ୍ଦିର ଯାଇ ଶପଥ ନେଇଥିଲା ଗୋପାଳ । ଏପରିକି ଏହାପରେ ସେ ହତ୍ୟା ପାଇଁ ବାରମ୍ବାର ପ୍ରୟାସ କରି ବି ବିଫଳ ହୋଇଥିଲା । ବ୍ରଜରାଜନଗରରେ ନବଙ୍କୁ ହତ୍ୟା କରିବାକୁ ଯାଇ ଫେଲ୍ ମାରିଥିଲା ଗୋପଳା ।

ସେହିଦିନ ଠାରୁ ଗୋପାଳ ନିଜ ସର୍ଭିସ ପିସ୍ତଲରେ ଗୁଳି ଲୋଡ କରି ରଖିଥିଲା । ହତ୍ୟାକାଣ୍ଡ ସମ୍ପର୍କରେ ମଧ୍ୟ ଚାର୍ଜସିଟରେ ସମାନ ତଥ୍ୟ ରହିଛି । ନିର୍ବାଚନ ସମୟରେ ଟ୍ରାଫିକ ଡ୍ୟୁଟିରେ ଥିବାବେଳେ ନବ ଓ ତାଙ୍କ ସମର୍ଥକଙ୍କ ଗୋପାଳ ଗାଡି ଯାଞ୍ଚ କରିଥିଲେ । ଏହି ସମୟରେ ନବ ତାଙ୍କୁ ଧମକାଇବା ସହ ଗାଳି ଗୁଲଜ କରିଥିଲେ । ତାପରଠାରୁ ତାଙ୍କ ଜୀବନ ପ୍ରତି ବିପଦ ଥିବା ଭାବି ଗୋପାଳ ଏହିଭଳି ବଡକାଣ୍ଡ ଘଟାଇଥିବା ଚାର୍ଜସିଟରେ ଉଲ୍ଲେଖ ରହିଥିଲା ।