ସର୍ଟସର୍କିଟରୁ ବାଳିକା ବିଦ୍ୟାଳୟରେ ଲାଗିଲା ନିଆଁ: ଅଳ୍ପକେ ବଡ଼ ଅଘଟଣରୁ ବର୍ତ୍ତିଗଲେ ଶତାଧିକ ଛାତ୍ରୀ

କନକ ବ୍ୟୁରୋ: ବାଳିକା ବିଦ୍ୟାଳୟ ହଷ୍ଟେଲରେ ଅଗ୍ନିକାଣ୍ଡ । ଅଳ୍ପକେ ବର୍ତ୍ତିଗଲେ ଶତାଧିକ ଛାତ୍ରୀ । ମୟୂରଭଞ୍ଜ ଜିଲ୍ଲା କୁଳିଅଣା ବ୍ଲକ୍ ଚାନ୍ଦୁଆ ସରକାରୀ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟର ଛାତ୍ରୀ ନିବାସରେ ଘଟିଛି ଏହି ଅଗ୍ନିକାଣ୍ଡ । ତେବେ ନିଆଁ ଲାଗି ଲକ୍ଷାଧିକ ଟଙ୍କାର ବିଜ୍ଞାନ ଉପକରଣ ଓ ଆସବାବପତ୍ର ପୋଡ଼ି ନଷ୍ଟ ହୋଇଯାଇଛି। ସଟସର୍କିଟ୍ ଯୋଗୁଁ ସ୍କୁଲର ଷ୍ଟୋରରୁମରେ ପ୍ରଥମେ ନିଆଁ ଲାଗିଥିଲା । ଏହାପରେ ଛାତ୍ରୀନିବାସକୁ ନିଆଁ ବ୍ୟାପି ଯାଇଛି । ଖବର ପାଇ ଅଗ୍ନିଶମବାହିନୀ ଘଟଣାସ୍ଥଳରେ ପହଁଚି ନିଆଁକୁ ଆୟତ୍ତ କରିଛନ୍ତି । ଏକ ବଡ ଅଘଟଣରୁ ଅଳ୍ପକେ ବର୍ତ୍ତି ଯାଇଛନ୍ତି ଶତାଧିକ ଛାତ୍ରୀ ।