କାରରେ ଯାଉଥିଲା ବସ୍ତା ବସ୍ତା ଗଂଜେଇ ; ମାଡ଼ିବସିଲା ପୁଲିସ

କନକ ବ୍ୟୁରୋ: ସୁବର୍ଣ୍ଣପୁର ରାମପୁର ଥାନା ସାଲେପାଲି ଛକଠାରେ ଗଞ୍ଜେଇ ଗାଡ଼ି ଜବତ । ମାଜିଷ୍ଟ୍ରେଟ୍ ତଥା ରାମପୁର ତହସିଲଦାର ବିମଲ କିଶୋର ପାତ୍ରଙ୍କ ଉପସ୍ଥିତିରେ ଗଂଜେଇ ସବୁର ଓଜନ କରାଯାଇଛି।  ଗାଡ଼ିରୁ ସର୍ବମୋଟ ଏକ କ୍ୱିଣ୍ଟାଲ ୭୩ କେଜି ଗଂଜେଇ ବାହାରିଥିବା ସହ ନଗଦ ୮୪୦ ଟଙ୍କା ଜବତ କରାଯାଇଥିଲା । ଗତକାଲି ସନ୍ଧ୍ୟାରେ ସନ୍ଦେହ ପୁଲିସ ଏକ କାରକୁ ବିନିକା ଥାନା ସମ୍ମୁଖରେ ଅଟକାଇବାକୁ ଚେଷ୍ଟା କରିବାରୁ ଗାଡିଟି ଦୃତ ଗତିରେ ପଳାଇଯାଇଥିଲା । 

ବିନିକା ପୁଲିସ ଗାଡିକୁ ଗୋଡ଼ାଇବାରୁ ରାମପୁର ଥାନା ସାଲେପାଲି ଛକଠାରେ ଗାଡି ଛାଡି ଡ୍ରାଇଭର ଫେରାର ହୋଇଯାଇଥିଲା । ତେବେ କାରର ଡ୍ରାଇଭର ସମେତ ଆଉ କେତେଜଣ ଥିଲେ ଜଣାପଡ଼ିନି । ଗଞ୍ଜେଇ ଭର୍ତ୍ତି ଗାଡ଼ିଟି କେଉଁ ଆଡକୁ ଯାଉଥିଲା ଓ କେଉଁ ମାନେ ଓ କେତେଜଣ ଥିଲେ ତାହା ବର୍ତ୍ତମାନ ପୁଲିସ ତଦନ୍ତ କରୁଛି  l