କଟକରେ କାଲିଠାରୁ ଗଣେଶ ଭସାଣ : ଦେବୀଗଡ଼ା ଓ ବାଲିଯାତ୍ରା ପଡ଼ିଆରେ ଅସ୍ଥାୟୀ ପୁଷ୍କରିଣୀ

କନକ ବ୍ୟୁରୋ : ଗଣେଶ ପୂଜା ଭସାଣ ପାଇଁ ପ୍ରସ୍ତୁତ ହେଲେଣି ପୂଜା କମିଟି । ସତର୍କତା ଉପରେ ଦୃଷ୍ଟି ଦେବା ସହ ଭସାଣ ବେଳେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିବାକୁ ଦାବି ହୋଇଛି । ବିଘ୍ନ ବିନାଶକଙ୍କ ବିସର୍ଜନ ନେଇ ପୁରୀଘାଟ ଥାନା ଦେବୀଗଡ଼ାରେ ତିଆରି ହୋଇଛି ଅସ୍ଥାୟୀ ପୁଷ୍କରିଣୀ । ଲୋକଙ୍କ ଲାଗି ମରାଯାଇଛି ସୂଚନା ଫଳକ । କମିଟି ତରଫରୁ ଅଗଷ୍ଟ ୩୧, ସେପ୍ଟେମ୍ବର ୭ ଏବଂ ୧୪, ଏହି ତିନୋଟି ରବିବାର ଭସାଣି ଲାଗି ଦିନ ଧାର୍ଯ୍ୟ ହୋଇଛି । ଦେବୀଗଡ଼ା ଓ ବାଲିଯାତ୍ରା ତଳ ପଡ଼ିଆରେ ଅସ୍ଥାୟୀ ପୁଷ୍କରିଣୀ ହୋଇଛି । ଗଲା ୮ ମାସରେ ମହାନଦୀ ଏବଂ କାଠଯୋଡ଼ିରେ ଅଘଟଣ ଘଟି ଗଲାଣି ୧୭ ଜଣଙ୍କ ଜୀବନ । ସୁରକ୍ଷା ଦୃଷ୍ଟିକୋଣରୁ ନିକଟରେ ମହାନଗର ନିଗମ ଟିମ୍ ଦେବୀଗଡ଼ା ଯାଇ କ୍ଷେତ୍ରସ୍ତରୀୟ ଯାଞ୍ଚ ବି କରିଥିଲେ । ତେବେ ଚଳିତ ଥର ଭସାଣ ପାଇଁ ସୁରକ୍ଷା ଏକ ବଡ଼ ଚ୍ୟାଲେଞ୍ଜ ହୋଇଛି । 

ଗଣେଶ ଭସାଣ ଚ୍ୟାଲେଞ୍ଜ
ଗଣେଶ ପୂଜା ଭସାଣ ପାଇଁ ପ୍ରସ୍ତୁତି
ପୁରୀଘାଟ ଥାନା ଦେବୀଗଡ଼ାରେ ବ୍ୟାପକ ବ୍ୟବସ୍ଥା
କାଠଯୋଡ଼ି ପଠା ଓ ବାଲିଯାତ୍ରା ପଡ଼ିଆ ନିକଟରେ ତିଆରି ହୋଇଛି ଅସ୍ଥାୟୀ ପୁଷ୍କରିଣୀ
ଅଗଷ୍ଟ ୩୧, ସେପ୍ଟେମ୍ବର ୭ ଏବଂ ୧୪ ତିନୋଟି ରବିବାର ହେବ ଭସାଣ 
ମହାନଦୀ ଏବଂ କାଠଯୋଡ଼ିରେ ୮ ମାସରେ ଗଲାଣି ୧୭ ଜୀବନ
ପୂର୍ବରୁ ସିଏମ୍‌ସି ଟିମ୍‌ କରିଛି କ୍ଷେତ୍ରସ୍ତରୀୟ ଯାଞ୍ଚ