ବୁଲା କୁକୁର ଆତଙ୍କରୁ ମୁକ୍ତି, ନିୟନ୍ତ୍ରଣ ହେବ ବୁଲା କୁକୁରଙ୍କ ସଂଖ୍ୟା

କନକ ବ୍ୟୁରୋ : ରାଜଧାନୀ ରାସ୍ତାରେ ବୁଲା କୁକୁର ଆତଙ୍କ । କେତେବେଳେ ଦୁର୍ଘଟଣା ତ, ଆଉ କେତେବେଳେ ଗୋଡ଼ାଇ ଗୋଡ଼ାଇ କାମୁଡ଼ୁଛନ୍ତି । ରାତିରେ ତ ସ୍ଥିତି ସଙ୍ଗୀନ । ଦିନକୁ ଦିନ ବୁଲା କୁକୁରଙ୍କ ଦୌରାତ୍ମ୍ୟ ବଢୁଛି । କୁକୁର କାମୁଡ଼ା, ଜଳାନ୍ତକ ରୋଗ ବି ବଢୁଛି । ଏଭଳି ସ୍ଥିତିରେ ଦିଲ୍ଲୀ ଭଳି ଓଡ଼ିଶାରେ ବି ବୁଲା କୁକୁରଙ୍କ ବନ୍ଧ୍ୟାକରଣ ସହ ସେମାନଙ୍କୁ ଆଶ୍ରୟସ୍ଥଳୀରେ ଛାଡିବା ଦରକାର ବୋଲି କହିଛନ୍ତି ରାଜଧାନିବାସୀ । 

ଚଳିତବର୍ଷ ମେ ମାସରୁ କୁକୁର ବନ୍ଧ୍ୟାକରଣ କାର୍ଯ୍ୟକ୍ରମ ଆରମ୍ଭ କରିଛି ବିଏମ୍‌ସି । ବର୍ତ୍ତମାନ ସୁଦ୍ଧା ୧୪୪୯ ଟି କୁକୁରଙ୍କ ବନ୍ଧ୍ୟାକରଣ କରାଯାଇଛି । ୨୫ ଓ ୨୭ ନମ୍ବର ୱାର୍ଡରେ ଏହି କାର୍ଯ୍ୟ ସଂପୂର୍ଣ୍ଣ ଶେଷ ହୋଇଛି । ୫୧ ନମ୍ବର ୱାର୍ଡରେ ବନ୍ଧ୍ୟାକରଣ ଚାଲିଛି । ସହରର ସମସ୍ତ ୱାର୍ଡରେ ଥିବା ବୁଲା କୁକୁରଙ୍କ ବନ୍ଧ୍ୟାକରଣ କରିବାକୁ ନିଷ୍ପତ୍ତି ନେଇଛି ବିଏମ୍‌ସି ନିଷ୍ପତି । କେବଳ ଭୁବନେଶ୍ୱର ନୁହେଁ, ସାରା ରାଜ୍ୟରେ ଏବେ ବୁଲା କୁକୁରଙ୍କ ଆତଙ୍କ ଚିନ୍ତା ବଢ଼ାଉଛି ।