କନକ ବ୍ୟୁରୋ:  ରାଜ୍ୟରେ ଶିଳ୍ପାୟନକୁ ମିଳିଛି ବଳ । ମୁଖ୍ୟମନ୍ତ୍ରୀ ଆଜି ୨୭ଟି ନୂଆ ଶିଳ୍ପ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଶିଳ୍ପ ସହ ଓଡିଆ ଅସ୍ମିତାକୁ ନେଇ ଚାଲିଛୁ ବୋଲି କହିଛନ୍ତି ମୁଖ୍ୟମନ୍ତ୍ରୀ । ପୂର୍ବ ସରକାରକୁ ବି ଟାର୍ଗେଟ କରିଛନ୍ତି ମୋହନ ମାଝୀ। 

Advertisment

ରାଜ୍ୟ ଶିଳ୍ପ ଇତିହାସରେ ଯୋଡିହୋଇଛି ଆଉ ଏକ ସ୍ୱର୍ଣ୍ଣିମ ଅଧ୍ୟାୟ । ଆଜି ୨୭ଟି ନୂଆ ଶିଳ୍ପ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି  ମୁଖ୍ୟମନ୍ତ୍ରୀ । ୨୫ ହଜାର ୩୮୦ କୋଟି ଟଙ୍କାର ପୁଞ୍ଜିନିବେଶ ହେବ। ବିଭିନ୍ନ କ୍ଷେତ୍ରରେ ପ୍ରାୟ ୨୭ଟି ପ୍ରମୁଖ ସଂସ୍ଥା ଓଡ଼ିଶାରେ ବଡ ପୁଞ୍ଜିନିବେଶ କରିବେ । ଏହାଦ୍ବାରା ୫୧ ହଜାର ୮୨୬ରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି ହେବ । ଭିତ୍ତିପ୍ରସ୍ତର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ କହିଛନ୍ତି,  ରାଜ୍ୟରେ ୩ ଜିଲ୍ଲାକୁ ଛାଡିଦେଲେ ୨୭ ଜିଲ୍ଲାରେ ଶିଳ୍ପ ହୋଇଛି । ପୂର୍ବ ସରକାରକୁ ମଧ୍ୟ ଟାର୍ଗେଟ କରିଛନ୍ତି ମୋହନ ମାଝୀ । ଏମଓୟୁରେ ସୀମିତ ରହିଯାଇଥିଲା ପୂର୍ବ ସରକାର କହି କଟାକ୍ଷ କରିଛନ୍ତି । ଏବେ କିନ୍ତୁ ୧୫ ମାସରେ ୧ ଲକ୍ଷରୁ ଅଧିକ ନିଯୁକ୍ତି ଦେଇଛନ୍ତି ସରକାର ।

ନୂଆ ଶିଳ୍ପକୁ ଓଡ଼ିଶା ଆଣିବା କ୍ଷେତ୍ରରେ ସଫଳତା ଶହେ ପ୍ରତିଶତ ବୋଲି ଦାବି କରିଛନ୍ତି ସରକାର ।  ଶିଳ୍ପ ସଚିବ କହିଛନ୍ତି,  ପୂର୍ବରୁ ଗୋଟିଏ ଶିଳ୍ପ ଗ୍ରାଉଣ୍ଡିଂ ପାଇଁ  ୩ଶହରୁ ୪ ଶହ ଦିନ ଲାଗୁଥିଲା । ଏବେ ୧୬୫ ଦିନରେ  ଗ୍ରାଉଣ୍ଡିଂ ହେଉଛି । ରାଜ୍ୟ ଶିଳ୍ପାୟନ ଆଡକୁ ଅଗ୍ରସର ହେଉଛି ବୋଲି ସରକାର ଦାବି କରିଛନ୍ତି । କିନ୍ତୁ  ଗ୍ରାଉଣ୍ଡରେ ଏହାର ପ୍ରଭାବ କେତେ ତାହା ଆଗାମୀ ଦିନରେ  ସ୍ପଷ୍ଟ ହେବ ।