ପୂର୍ବତନ ବିଧାୟିକା ରାସେଶ୍ୱରୀ ପାଣିଗ୍ରାହୀଙ୍କ ପରଲୋକ,  ସମ୍ବଲପୁର ଶାନ୍ତିନଗର ସ୍ଥିତ ନିଜ ଘରେ ଚାଲିଥିଲା ଚିକିତ୍ସା

କନକ ବ୍ୟୁରୋ : ବିଜେଡିର ପୂର୍ବତନ ବିଧାୟିକ ଡ.ରାସେଶ୍ୱରୀ ପାଣିଗ୍ରାହୀଙ୍କ ଦେହାନ୍ତ ହୋଇଛି । ସମ୍ବଲପୁର ଶାନ୍ତିନଗର ସ୍ଥିତ ନିଜ ବାସଭବନରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ସେ ସ୍ନାୟୁଜନିତ ରୋଗରେ ପୀଡ଼ିତ ଥିଲେ

ତାଙ୍କ ମୃତ୍ୟୁ ଖବର ପାଇବା ପରେ ରାଜନେତାଙ୍କ ଠାରୁ ସମାଜସେବୀ ପର୍ଯ୍ୟନ୍ତ ଦୁଃଖ ପ୍ରକାଶ କରିଛନ୍ତି । ବିଶେଷ କରି ବିଜେଡି ଦଳର ନେତୃବୃନ୍ଦମାନେ ଶୋକ ପ୍ରକାଶ କରିଛନ୍ତି । ସେ ଜଣେ ଡାକ୍ତରଭାବେ ଦୀର୍ଘବର୍ଷ ଧରି କାମ କରିବା ପରେ ରାଜନୀତିରେ ଯୋଗ ଦେଇଥିଲେ । ସେ ବିଜେଡି ଟିକେଟରୁ ବିଧାୟିକା ହୋଇଥିଲେ । ସେ କେବଳ ସମ୍ବଲପୁର ନୁହେଁ ସାରା ପଶ୍ଚିମ ଓଡ଼ିଶାର ବିକାଶ କଥା ଚିନ୍ତା କରୁଥିଲେ । ଏହାସହ ସେ ତାଙ୍କ ଜୀବନକାଳରେ ଅନେକ ଦାନ ଧର୍ମ ମଧ୍ୟ କରିଛନ୍ତି ।