ବଢ଼ିଲା ବାଂଲାଦେଶ ପୂର୍ବତନ ପ୍ରଧାନମନ୍ତ୍ରୀଙ୍କ ଅଡୁଆ । ଗିରଫ ହୋଇପାରନ୍ତି ହସିନା ।

କନକ ବ୍ୟୁରୋ: ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହାସିନାଙ୍କ ସମସ୍ୟା କମିବାର ନାଁ ଧରୁନାହିଁ । ଦେଶର ଅନ୍ତର୍ଜାତୀୟ ଅପରାଧିକ ଟ୍ରିବ୍ୟୁନାଲ ହାସିନା ଏବଂ ତାଙ୍କ ପୂର୍ବତନ ପ୍ରତିରକ୍ଷା ପରାମର୍ଶଦାତା ତାରିକ ଅହମ୍ମଦ ସିଦ୍ଦିକ ଏବଂ ପୂର୍ବତନ ଆଇଜିପି ବେନାଜିର ଅହମ୍ମଦଙ୍କ ସମେତ ୧୦ଜଣଙ୍କ ବିରୋଧରେ ଗିରଫ ପରୱାନା ଜାରି କରିଛନ୍ତି । ଏହି ୧୧ ଜଣଙ୍କୁ ଗିରଫ କରିବା ପାଇଁ ପ୍ରୋସିକ୍ୟୁଶନ ଦୁଇଟି ଆବେଦନ କରିବା ପରେ ଜଷ୍ଟିସ ମହମ୍ମଦ ଗୋଲାମ ମୋର୍ତ୍ତାଜା ମଜୁମଦାରଙ୍କ ନେତୃତ୍ୱରେ ଟ୍ରିବ୍ୟୁନାଲ ଏହି ନିର୍ଦ୍ଦେଶ ଦେଇଛନ୍ତି । ଶେଖ୍‌ ହାସିନା ଏବଂ ଅନ୍ୟମାନଙ୍କୁ ଗିରଫ କରି ଫେବୃଆରୀ ୧୨ ସୁଦ୍ଧା ହାଜର କରିବାକୁ ବାଂଲାଦେଶ କର୍ତ୍ତୃପକ୍ଷ ନିର୍ଦ୍ଦେଶ ଦେଇଛନ୍ତି । ବାଂଲାଦେଶର ରାଜନୈତିକ ପରିସ୍ଥିତିରେ ଏହା ଏକ ନୂଆ ମୋଡ଼, ଯେଉଁଠାରେ ପୂର୍ବତନ ପ୍ରଧାନମନ୍ତ୍ରୀ ଶେଖ୍‌ ହସିନା ଏବଂ ତାଙ୍କ ସହଯୋଗୀମାନେ ମାନବିକ ଅଧିକାରର ଉଲ୍ଲଂଘନ ଏବଂ ବେଆଇନ ହତ୍ୟାକାଣ୍ଡ ଘଟାଇଥିବା ଅଭିଯୋଗ ହୋଇଛି । ଗତବର୍ଷ ଶେଖ ହାସିନା ଏବଂ ୪୫ ଜଣଙ୍କ ବିରୋଧରେ ଟ୍ରିବ୍ୟୁନାଲ ଗିରଫ ୱାରେଣ୍ଟ ଜାରି କରିଥିଲା । ଏହି ୱାରେଣ୍ଟ୍‌ ସେତେବେଳେ ଜାରି କରାଯାଇଥିଲା, ଯେତେବେଳେ ଛାତ୍ର ନେତୃତ୍ୱ ଆନ୍ଦୋଳନ ସମୟରେ ହୋଇଥିଲା ।