ଆଜିଠୁ ସୁଭଦ୍ରା ଫର୍ମ ଦାଖଲ

କନକ ବ୍ୟୁରୋ: ସୁଭଦ୍ରା ଯୋଜନା ପାଇଁ ଆଜିଠୁ ଆରମ୍ଭ ହେବ ଫର୍ମ ଦାଖଲ ପ୍ରକ୍ରିୟା । ଅପରାହ୍ନରୁ ଫର୍ମ ଦାଖଲ ଆରମ୍ଭ ହେବ । ମୋ ସେବା କେନ୍ଦ୍ର, ଜନସେବା କେନ୍ଦ୍ର ଓ ଜିଲ୍ଲାପାଳଙ୍କ ନିର୍ଦ୍ଦେଶ ଅନୁସାରେ ଯେଉଁ ସ୍ଥାନ ନିରୁପଣ କରାଯାଇଥିବ ଆଜି ଅପରାହ୍ନରୁ ସେଠାରେ ଫର୍ମ ସଂଗ୍ରହ କରାଯିବ । ଏହା ସମ୍ପୂର୍ଣ୍ଣ ନିଶୁଳ୍କ ରହିବ ବୋଲି ସୂଚନା ଦେଇଛନ୍ତି ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ।

ଅନ୍ୟପଟେ ସୁଭଦ୍ରା ଯୋଜନା ସମ୍ପର୍କିତ ସବୁ ପ୍ରଶ୍ନର ଉତ୍ତର ଦେବାକୁ ଏକ ୱେବ୍ ପୋଟାଲର ଶୁଭାରମ୍ଭ କରାଯାଇଛି । www.subhadra.odisha.gov.in ରେ ଲଗଇନ୍ କଲେ ସୁଭଦ୍ରା ଯୋଜନା ସମ୍ପର୍କୀତ ସମସ୍ତ ପ୍ରଶ୍ନର ଉତ୍ତର ମିଳିବ । ଯୋଜନା ସମ୍ପର୍କୀତ ନୂଆ ଘୋଷଣା ମଧ୍ୟ ୱେବ ପୋଟାଲରେ ଉପଲବ୍ଧ ହେବ । ଏହାଛଡ଼ା ଟୋଲ ଫି ନମ୍ବର ୧୪୬୭୮ରେ କଲ୍ କରିହେବ । ଏହା ସକାଳ ୬ଟାରୁ ରାତି ୧୦ଟା ଯାଏ କାର୍ଯ୍ୟକ୍ଷମ ରହିବ । ତେବେ ପ୍ରଥମ କିସ୍ତିରେ ସମସ୍ତ ଆବେଦନକାରୀ ମହିଳାଙ୍କୁ ଏହି ଟଙ୍କା ମିଳିବନି । କେବଳ ୧୦ରୁ ୨୦ ଲକ୍ଷ ମହିଳାଙ୍କୁ ପ୍ରଥମ କିସ୍ତି ପ୍ରଦାନ କରାଯିବ ବୋଲି ସୂଚନା ମିଳିଛି ।

କେମିତି କରିବେ ଫର୍ମ ଦାଖଲ?

ଅପରାହ୍ନରୁ ଆରମ୍ଭ ହେବ ଫର୍ମ ଦାଖଲ ପ୍ରକ୍ରିୟା
ମୋ ସେବା କେନ୍ଦ୍ର ଓ ଜନ ସେବା କେନ୍ଦ୍ରରେ ଫର୍ମ ଦାଖଲ କରିହେବ
ଜିଲ୍ଲାପାଳ ଅନୁମତି ଦେଇଥିବା ସ୍ଥାନରେ ଫର୍ମ ସଂଗ୍ରହ କରାଯିବ
ଫର୍ମ ଦାଖଲ ସମ୍ପୂର୍ଣ୍ଣ ଦେୟମୁକ୍ତ ରହିବ
ସୁଭଦ୍ରା ଯୋଜନା ସମ୍ପର୍କରେ ଜାଣିବା ପାଇଁ ରହିଛି ୱେବ୍ ପୋଟାଲ
www.subhadra.odisha.gov.in ରେ ଲଗଇନ୍ କରିହେବ
ଯୋଜନା ସମ୍ପର୍କୀତ ନୂଆ ଘୋଷଣା ପୋର୍ଟାଲରେ ଉପଲବ୍ଧ ହେବ
ଟୋଲ ଫି ନମ୍ବର ରହଛି ୧୪୬୭୮
ଏହା ସକାଳ ୬ଟାରୁ ରାତି ୧୦ଟା ଯାଏ କାର୍ଯ୍ୟକ୍ଷମ ରହିବ
ପ୍ରଥମ କିସ୍ତିରେ ୧୦ରୁ ୨୦ ଲକ୍ଷ ମହିଳାଙ୍କୁ ମିଳିବ ଟଙ୍କା
ହିତାଧିକାରୀମାନେ ୫ ବର୍ଷରେ ୫୦ ହଜାର ଟଙ୍କା ପାଇବେ
ବର୍ଷକୁ ଦୁଇଥର ଯୋଜନାର କିସ୍ତି ଟଙ୍କା ମିଳିବ
ମାର୍ଚ୍ଚ ୮ ଆନ୍ତର୍ଜାତିକ ମହିଳା ଦିବସରେ ୫ ହଜାର ମିଳିବ
ରାକ୍ଷୀପୂର୍ଣ୍ଣିମାରେ ଆଉ ୫ ହଜାର ଟଙ୍କା ମିଳିବ
ସେପ୍ଟେମ୍ବର ୧୭ରେ ପ୍ରଥମ କିସ୍ତି ପ୍ରଦାନ କରାଯିବ
ଯୋଜନାର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ