କନକ ବ୍ୟୁରୋ: ବିରୋଧୀ ଦଳ ନେତାଙ୍କୁ ବୈଦେଶିକମନ୍ତ୍ରୀଙ୍କ ଟାର୍ଗେଟ । ରାହୁଲ ଗାନ୍ଧୀଙ୍କ ଖଟାଖଟ ଡାଇଲଗକୁ ନେଇ ଏସ ଜୟଶଙ୍କର କଟାକ୍ଷ  କରିଛନ୍ତି । ଜେନେଭାରେ ଆୟୋଜିତ ସମ୍ମିଳନୀକୁ ସମ୍ବୋଧିତ କରି ବୈଦେଶିକମନ୍ତ୍ରୀ କହିଛନ୍ତି ଜୀବନଟା ଖଟାଖଟ ନୁହେଁ ଅଥବା ଏତେ ସରଳ ନୁହେଁ । ସଂଘର୍ଷପୂର୍ଣ୍ଣ ଜୀବନ ପାଇଁ ଅନେକ କିଛି କରିବାକୁ ପଡିଥାଏ । 

Advertisment

ମୋଦୀ ସରକାରଙ୍କ ୧୦ବର୍ଷର ସଫଳତା ଓ ଉପଲବ୍ଧି ବଖାଣି ଜୟଶଙ୍କର କହିଥିଲେ ମଜବୁତ ଇଚ୍ଛା ଓ ଦୃଢନୀତି ବଳରେ ସଫଳତା ମିଳିବା ସମ୍ଭବ । ଜୀବନ ଖଟାଖଟ ନୁହେଁ । ସେ ଜନସଭା ହେଉ କି କୌଣସି ରାଜନୈତିକ କାର୍ଯ୍ୟକ୍ରମ ବିଜେପି ସରକାରଙ୍କୁ ଟାର୍ଗେଟ କରି ଅନେକବାର ରାହୁଲ ଖଟାଖଟ କହି ଟାର୍ଗେଟ କରୁଥିବାବେଳେ ଏବେ ଏହାର ପାଲଟା ଜବାବ ଦେଇ ଜୟଶଙ୍କର କଟାକ୍ଷ କରିଛନ୍ତି   ।