କନକ ବ୍ୟୁରୋ:   ୮ ବର୍ଷର ସର୍ବନିମ୍ନ ସ୍ତରକୁ ଖସିଲା ଖୁଚୁରା ମୁଦ୍ରାସ୍ଫୀତି । ଜୁଲାଇରେ ଖୁଚୁରା ମୁଦ୍ରାସ୍ଫୀତି ୧.୫୫%କୁ ହ୍ରାସ ପାଇଛି । ୨୦୧୭ ଜୁଲାଇ ପରେ ଏହା ସର୍ବନିମ୍ନ ହ୍ରାସ । ଜୁନ୍ ମାସର ୨.୧୦% ତୁଳନାରେ ୫୫ ବେସିସ୍ ପଏଣ୍ଟର ଏକ ବଡ଼ ହ୍ରାସ ହୋଇଛି। ଖାଦ୍ୟ ମୁଦ୍ରାସ୍ଫୀତିରେ ଆହୁରି ଅଧିକ ହ୍ରାସ ଦେଖାଦେଇଛି। ଜୁଲାଇରେ ଏହା -୧.୭୬%କୁ ହ୍ରାସ ପାଇଛି । ଯାହା ଜାନୁଆରି ୨୦୧୯ ପରଠାରୁ ସର୍ବନିମ୍ନ ସ୍ତର । ଉଭୟ ଗ୍ରାମୀଣ ଏବଂ ସହରାଞ୍ଚଳରେ ଖାଦ୍ୟ ମୂଲ୍ୟରେ ହ୍ରାସ ଘଟିଛି । କେନ୍ଦ୍ର ସରକାରଙ୍କ ପକ୍ଷରୁ ଜାରି ଡାଟା ଅନୁସାରେ, ଗ୍ରାମୀଣ ଖାଦ୍ୟ ମୁଦ୍ରାସ୍ଫୀତି ୧.୭୪% ଏବଂ ସହରାଞ୍ଚଳରେ ୧.୯୦% ରହିଛି। ସାମଗ୍ରିକ ମୁଦ୍ରାସ୍ଫୀତିରେ ହ୍ରାସ ମୁଖ୍ୟତଃ ଡାଲି, ପନିପରିବା, ଶସ୍ୟ, ପରିବହନ ଏବଂ ଯୋଗାଯୋଗ, ଶିକ୍ଷା, ଅଣ୍ଡା, ଚିନି ଏବଂ ମିଠା ଭଳି ପ୍ରମୁଖ ବର୍ଗରେ ମୂଲ୍ୟ ହ୍ରାସ ଯୋଗୁ ହୋଇଛି । 

Advertisment

ଖସିଲା ଖୁଚୁରା ମୁଦ୍ରାସ୍ଫୀତି
ଖୁଚୁରା ମୁଦ୍ରାସ୍ଫୀତି ୮ ବର୍ଷରେ ସର୍ବନିମ୍ନ ସ୍ତରକୁ ଖସିଲା 
ଜୁଲାଇରେ ଖୁଚୁରା ମୁଦ୍ରାସ୍ଫୀତି ୧.୫୫%କୁ ହ୍ରାସ 
୨୦୧୭ ଜୁଲାଇ ପରେ ଏହା ସର୍ବନିମ୍ନ ହ୍ରାସ
ଖାଦ୍ୟ ମୁଦ୍ରାସ୍ଫୀତି ଜୁଲାଇରେ ୧.୭୬%କୁ ହ୍ରାସ
ଯାହା ଜାନୁଆରି ୨୦୧୯ ପରଠାରୁ ସର୍ବନିମ୍ନ