କନକ ବ୍ୟୁରୋ : କଟକ ଏସ୍‌ସିବିରୁ ଡିସଚାର୍ଜ ହେଲେ ବାଲେଶ୍ୱର ଏଫଏମ କଲେଜ ଛାତ୍ର ଜ୍ୟୋତି ପ୍ରକାଶ ବିଶ୍ୱାଳ । ଜୁଲାଇ ୧୨ ତାରିଖରେ ଏଫ୍‌ଏମ୍‌ କଲେଜରେ ଛାତ୍ରୀ ଆତ୍ମହୂତି ଦେବା ବେଳେ ଉଦ୍ଧାର କରିବାକୁ ଯାଇ ଜ୍ୟୋତି ଗୁରୁତର ଆହତ ହୋଇଥିଲେ । ସେହି ଅଘଟଣରେ ତାଙ୍କ ଶରୀରର କିଛି ଅଂଶ ପୋଡ଼ି ଯାଇଥିଲା । ଏହା ପରେ ତାଙ୍କୁ ଗୁରୁତର ଅବସ୍ଥାରେ ଏସ୍‌ସିବି ମେଡିକାଲକୁ  ସ୍ଥାନାନ୍ତର କରାଯାଇଥିଲା । ଏସ୍‌ସିବିରେ ଦୀର୍ଘ ୧୬ ଦିନ ଚିକିତ୍ସା ହେବା ପରେ ସୁସ୍ଥ ହୋଇ ବାପା ମାଆଙ୍କ ସହ ଘରକୁ ଫେରୁଥିବା କହିଛନ୍ତି ଜ୍ୟୋତି ପ୍ରକାଶ । ଏସ୍‌ସିବି ମେଡିକାଲରେ ସବୁ ପ୍ରକାର ସହଯୋଗ ମିଳିଥିବା କହିଛନ୍ତି । ଏଥିସହ ବାଲେଶ୍ବର ଏଫ୍‌ଏମ୍‌ କଲେଜ ଅଘଟଣ ବିଷୟରେ ଆଉ କିଛି କହିବାକୁ ଚାହୁ ନାହିଁ ବୋଲି କହିଲେ ଜ୍ୟୋତି ପ୍ରକାଶ ।