ପଞ୍ଜାବରେ ବନ୍ୟା ସ୍ଥିତି ସଙ୍ଗିନ,  ପ୍ରଭାବିତ ଅଞ୍ଚଳରେ ସ୍ଥିତି ସମୀକ୍ଷା କଲେ କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂହ ଚୌହ୍ବାନ

କନକ ବ୍ୟୁରୋ:  ପଞ୍ଜାବର ବନ୍ୟାଞ୍ଚଳରେ କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂହ ଚୌହ୍ବାନ । ପଞ୍ଜାବର ଅମୃତସର, ଗୁରୁଦାସପୁର, କପୁରତାଲା ଆଦି ଜିଲ୍ଲାର ବନ୍ୟାଞ୍ଚଳକୁ ଯାଇ ଶିବରାଜ ବନ୍ୟାବିପନ୍ନଙ୍କୁ ଭେଟିବା ସହ ବନ୍ୟାପାଣିରେ ପଶି ଫସଲ କ୍ଷୟକ୍ଷତି ଆକଳନ କରିଛନ୍ତି । କ୍ଷତିଗ୍ରସ୍ତ କୃଷକମାନେ ତାଙ୍କୁ ନଷ୍ଟ ହୋଇଥିବା ଫସଲ ଦେଖାଇଥିଲେ ।

ଏହାପରେ ଶିବରାଜ ସରକାରୀ ଅଧିକାରୀ ଓ ପଞ୍ଜାବର ରାଜ୍ୟପାଳ ଗୁଲାବ ଚାନ୍ଦ କାଟିଆରିଆଙ୍କ ସହ ଆଲୋଚନା କରିଥିଲେ । ଶିବରାଜଙ୍କୁ ରାଜ୍ୟପାଳ ପଞ୍ଜାବର ୫ଟି ଜିଲ୍ଲାରେ ବନ୍ୟା କ୍ଷୟକ୍ଷତି ସମ୍ପର୍କରେ ବିସ୍ତୃତ ରିପୋର୍ଟ ପ୍ରଦାନ କରିଛନ୍ତି । ଆବଶ୍ୟକ ସହାୟତା ପ୍ରଦାନ ଲାଗି କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂହ ଚୌହ୍ବାନ ପ୍ରତିଶ୍ରୁତି ଦେଇଛନ୍ତି ।