ଭାସୁଛି ମାୟାନଗରୀ ମୁମ୍ବାଇ : ରାସ୍ତାରେ ସୁଇମିଂ ପୁଲ୍ ଦୃଶ୍ୟ

କନକବ୍ୟୁରୋ : ମୁମ୍ବାଇ ଏବଂ ଆଖପାଖ ଅଞ୍ଚଳରେ ଲଗାଣ ବର୍ଷା ଜନଜୀବନକୁ ଅସ୍ତବ୍ୟସ୍ତ କରି ଦେଇଛି  ।  ଅନେକ ଅଞ୍ଚଳ ଓ ଘର ଜଳମଗ୍ନ ହୋଇଛି, ଯାହା ଫଳରେ ଟ୍ରେନ୍‌ ଓ ବିମାନ ସେବା ବାଧାପ୍ରାପ୍ତ ହୋଇଛି  ।   ମୁମ୍ବାଇ ମ୍ୟୁନିସିପାଲ କର୍ପୋରେସନ  କର୍ମଚାରୀମାନେ ଜଳ ନିଷ୍କାସନ ପାଇଁ କାମ କରୁଛନ୍ତି, କିନ୍ତୁ କୁର୍ଲା,  ସାଇଅନ୍‌, ଦାଦର ଓ ଅନ୍ଧେରୀ ଅଞ୍ଚଳରେ ଜଳମଗ୍ନ ସ୍ଥିତି ଗମ୍ଭୀର ରହିଛି  ।

ପଶ୍ଚିମ ରେଳବାଇ ଓ ସେଣ୍ଟ୍ରାଲ ରେଳବାଇରେ ଟ୍ରେନ୍‌ ବାତିଲ ଓ ବିଳମ୍ବ ହେଉଛି   ।   ଛତ୍ରପତି ଶିବାଜୀ ମହାରାଜା ଅନ୍ତର୍ଜାତୀୟ ବିମାନବନ୍ଦରରେ ଅନେକ ବିମାନ ବିଳମ୍ବ ଓ ଡାଇଭର୍ଟ ହୋଇଛି  ।  ମୌସୁମୀ ବର୍ଷା ବଢିବା ଯୋଗୁଁ ସ୍କୁଲ ଓ କଲେଜଗୁଡ଼ିକ ବନ୍ଦ ରହିଛି  ।  ପ୍ରଶାସନ ନାଗରିକମାନଙ୍କୁ ଘରେ ରହିବାକୁ ଓ ଅତ୍ୟାବଶ୍ୟକ ନହେଲେ ବାହାରକୁ ନ ଆସିବାକୁ ପରାମର୍ଶ ଦେଇଛି  ।