କନକ ବ୍ୟୁରୋ: ଲଗାଣ ବର୍ଷାରେ ବେହାଲ କୋରାପୁଟ ଜିଲ୍ଲା । ଅସ୍ଥାୟୀ ପୋଲ ଉପରେ ବ୍ରିଜ୍ ଉପରେ ଚାଲୁଛି ପାଞ୍ଚ ଫୁଟ୍‌ର ପାଣି । କୋରାପୁଟ ରାୟଗଡ଼ାକୁ ସଂଯୋଗ କରୁଥିବା ୩୨୬ ନମ୍ବର ଜାତୀୟ ରାଜପଥର ବଙ୍ଗଳାଗୁଡା ଅସ୍ଥାୟୀ ପୋଲ ଉପରେ ପାଞ୍ଚ ଫୁଟ୍‌ର ପାଣି ପ୍ରବାହିତ ହେଉଛି । ଫଳରେ ଗମନାଗମନ ସମ୍ପୂର୍ଣ୍ଣ ଠପ୍‌ ହୋଇ ଯାଇଛି । ଉଭୟ ପାର୍ଶ୍ବରେ ଅଟକି ରହିଛି ଗାଡ଼ି । ସାମାନ୍ୟ ବର୍ଷାହେଲେ ଅସ୍ଥାୟୀ ପୋଲଟି ବୁଡ଼ିଯାଏ । ଯଦିଓ ସ୍ଥାୟୀ ପୋଲ ନିର୍ମାଣ କାର୍ଯ୍ୟ ଚାଲୁ ରହିଛି ।  କିନ୍ତୁ ତାହା ବର୍ତ୍ତମାନ ସୁଦ୍ଧା ଶେଷ ହୋଇ ପାରି ନାହିଁ । କାମର ମନ୍ଥର ଗତି ଓ ଜାତୀୟ କର୍ତ୍ତୃପକ୍ଷ ଏବଂ କାମ କରୁଥିବା ଠିକା କମ୍ପାନିର ମନମାନି ଯୋଗୁଁ ଏପରି ହେଉଥିବା ସାଧାରଣରେ ଅଭିଯୋଗ ହେଉଛି । ସେପ୍ଟେମ୍ବର ମାସରେ ଠିକା ନେଇଥିବା କମ୍ପାନିର ସମୟ ସୀମା ଶେଷ ହୋଇଥିଲେ ବି ସ୍ଥାୟୀ ପୋଲର କାମ ଶେଷ ହୋଇନାହିଁ । ଫଳରେ ଲୋକଙ୍କ ଭିତରେ ଅସନ୍ତୋଷ ବଢିବାରେ ଲାଗିଛି ।

Advertisment