କନକ ବ୍ୟୁରୋ: ଖୋର୍ଦ୍ଧା ଟାଙ୍ଗୀ ଥାନା ଦୀକ୍ଷିତପଡ଼ାରେ ଚାଞ୍ଚଲ୍ୟ । ସାମାନ୍ୟ ବଚସାକୁ ନେଇ ଦୁଇ ଭାଇ ମଧ୍ୟରେ ଫୁଟିଲା ଗୁଳି । ସୂଚନା ଅନୁସାରେ, କୌଣସି କାରଣକୁ ନେଇ ଦୁଇ ଭାଇଙ୍କ ମଧ୍ୟରେ ଝଗଡ଼ା ହୋଇଥିଲା । ପରେ ବଡ଼ ଭାଇ ଉପରକୁ ଗୁଳି ଚଳାଇଥିଲା ସାନ ଭାଇ । ସୌଭାଗ୍ୟବଶତଃ ବଡ଼ ଭାଇ ଅଳ୍ପକେ ବର୍ତ୍ତି ଯାଇଛି । ତେବେ ସାନ ଭାଇ ବନ୍ଧୁକରୁ ବାହାରିଥିବା ଗୁଳି କାନ୍ଥରେ ବାଜିଥିଲା । ଆଉ କାନ୍ଥରୁ ଗୁଳି ଛିଟିକି ଜଣେ ନାବାଳକ ଦେହରେ ବାଜିଛି । ନାବାଳକଟି ଗୁଳି ମାଡ଼ରେ ଆହତ ହୋଇଛି । ସେପଟେ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଦୁଇ ଭାଇଙ୍କୁ ଗିରଫ କରିଛି । ଗିରଫ ଦୁଇ ଭାଇ ହେଲେ ରବି ନାୟକ ଓ ଶିବ ନାୟକ । ଘଟଣାସ୍ଥଳରୁ ପୁଲିସ ଗୋଟିଏ ଦେଶୀ ବନ୍ଧୁକ ଜବତ କରିଛି ।