କନକବ୍ୟୁରୋ : ଆମେରିକା ଡେନଭର ଅନ୍ତର୍ଜାତୀୟ ବିମାନ ବନ୍ଦରରେ ନିଆଁ । ଆମେରିକା ଏୟାରଲାଇନ୍ସର ବିମାନରେ ନିଆଁ ଲାଗିଛି। ଲ୍ୟାଣ୍ଡିଂ ଗିୟରର ନିଆଁ ଲାଗିଥିବା ଜଣାପଡ଼ିଛି। ବିମାନରେ ଥିବା ଯାତ୍ରୀ ସୁରକ୍ଷିତ ଅଛନ୍ତି । ୬ ଜଣ ଯାତ୍ରୀ ସାମାନ୍ୟ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଲ୍ୟାଣ୍ଡିଂ ଗିୟର ଫେଲ୍ ଯୋଗୁ ମିଆମି ଅଭିମୁଖେ ଉଡ଼ାଣ ଭରିବାକୁ ଯାଉଥିବା ଆମେରିକୀୟ ଏୟାରଲାଇନ୍ସ ଫ୍ଲାଇଟ୍ ୩୦୨୩ର ଉଡ଼ାଣ ବାତିଲ କରିବାକୁ ପଡିଛି । ଏହି ସମୟରେ ବିମାନର ପଛ ଭାଗରେ ନିଆଁ ଲାଗିବା ପରେ ଧୂଆଁ ଉଠିଥିଲା। ଆମେରିକା ସମୟ ଅପରାହ୍ନ ୨ଟା ୪୫ରେ ଏହି ଘଟଣା ଘଟିଛି। ବିମାନରେ ମୋଟ ୧୭୩ ଜଣ ଯାତ୍ରୀ ଏବଂ ୬ ଜଣ କ୍ରୁ ସଦସ୍ୟ ଥିଲେ। ସମସ୍ତଙ୍କୁ ଏମରଜେନ୍ସି ସ୍ଲାଇଡ୍‌ ମାଧ୍ୟମରେ ବାହାର କରାଯାଇଥିଲା ।