ବିହାର ପାଇଁ ଚୂଡ଼ାନ୍ତ ଭୋଟର ତାଲିକା

କନକ ବ୍ୟୁରୋ : ବିହାରରେ ସ୍ୱତନ୍ତ୍ର ସଂଶୋଧନ ପରେ ଆଜି ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇଛି । ନୂଆ ତାଲିକାରେ ମୋଟ ଭୋଟରଙ୍କ ସଂଖ୍ୟା ରହିଛି ୭କୋଟି ୪୨ଲକ୍ଷ । ପୂର୍ବରୁ ଚିଠା ତାଲିକାରେ ଥିଲା ୭କୋଟି ୨୪ଲକ୍ଷ । ସେହିପରି ନୂଆ ଯୋଡି ହେଲେ ୨୧ଲକ୍ଷ ୫୩ ହଜାର ଭୋଟର । ପୂର୍ବରୁ ପ୍ରକାଶିତ ଚିଠା ତାଲିକାଠାରୁ ଚୂଡାନ୍ତ ତାଲିକାରେ କେବଳ ପାଟନାରେ ୧ଲକ୍ଷ ୬୩ ହଜାର ଭୋଟରଙ୍କୁ ନୂଆ କରି ସ୍ଥାନ ମିଳିଛି । ନିର୍ବାଚନ କମିସନଙ୍କ ପକ୍ଷରୁ ଦିଆଯାଇଥିବା ଲିଙ୍କ୍ ମାଧ୍ୟମରେ ଯେକୌଣସି ଭୋଟର ଚୂଡ଼ାନ୍ତ ତାଲିକାରେ ତାଙ୍କର ନାଁ ଅଛିକି ନାହିଁ ଦେଖିବା ଆରମ୍ଭ କରିଛନ୍ତି । ୨୨ ବର୍ଷ ପରେ ସ୍ୱତନ୍ତ୍ର ସଂଶୋଧନ ପରେ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇଛି । ପୂର୍ବରୁ ଅଗଷ୍ଟ ୧ ତାରିଖରେ ପ୍ରକାଶିତ ଚିଠା ଭୋଟର ତାଲିକାରେ ୬୫ ଲକ୍ଷ ଭୋଟରଙ୍କ ନାଁ ନଥିବା ଅଭିଯୋଗ ହେଇଥିଲା । କଂଗ୍ରେସ ସମେତ ବହୁ ରାଜନୈତିକ ଦଳ ଏହାକୁ ନେଇ ତମ୍ୱିତୋଫାନ କରିଥିଲେ । ସେପ୍ଟେମ୍ବର ୧ ତାରିଖ ପର୍ଯ୍ୟନ୍ତ ଆପତ୍ତି ଅଭିଯୋଗ ଗ୍ରହଣ କରାଯାଇଥିଲା । ତେବେ ନିର୍ବାଚନ କମିସନ ଜାଣିଶୁଣି ଆପତ୍ତି ଅଭିଯୋଗ ଶୁଣୁ ନଥିବା କଂଗ୍ରେସ ଓ ଅନ୍ୟ ରାଜନୈତିକ ଦଳ ଅଭିଯୋଗ କରି ସୁପ୍ରିମକୋର୍ଟକୁ ଯାଇଥିଲେ । ସୁପ୍ରମିକୋର୍ଟ ମାମଲାର ଶୁଣାଣି କରି ସ୍ପଷ୍ଟ କରିଥିଲେ ଯେ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପରେ ମଧ୍ୟ କୌଣସି ତ୍ରୁଟି ନଜରକୁ ଆସିଲେ ଏସଆଇଆର ପ୍ରକ୍ରିୟାକୁ ସମ୍ପୂର୍ଣ୍ଣ ବାତିଲ କରାଯାଇପାରିବ । ଆଜି ବିହାରର ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇଛି । କିଛି ତ୍ରୁଟି ବିଚ୍ୟୁତି ଅଛି କି ନାହିଁ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ । ସୁପ୍ରିମକୋର୍ଟରେ ମାମଲାର ଶୁଣାଣି ଅକ୍ଟୋବର ୭ ତାରିଖରେ ହେବ ।

Advertisment

ଏସଆଇଆର୍ ପରେ ଚୂଡ଼ାନ୍ତ ଭୋଟର ତାଲିକା ପ୍ରକାଶିତ

ମୋଟ ଭୋଟରଙ୍କ ସଂଖ୍ୟା ୭କୋଟି ୪୨ଲକ୍ଷ
ତ୍ରୁଟି ପାଇଁ ହଟିଲେ ୪୭ଲକ୍ଷ ଭୋଟର
ଯୋଡି ହେଲେ ୨୧ଲକ୍ଷ ୫୩ ହଜାର ଭୋଟର
ନୂଆ ତାଲିକାରେ କେବଳ ପାଟଣାରେ ୧.୬୩ଲକ୍ଷ ଭୋଟ ସାମିଲ
ଅଗଷ୍ଟ ୧ ତାରିଖରେ ଚିଠା ତାଲିକା ପ୍ରକାଶ ପାଇଥିଲା
୬୫ ଲକ୍ଷ ଭୋଟରଙ୍କ ନାଁ ନଥିବା ଅଭିଯୋଗ ହେଇଥିଲା
ବହୁ ରାଜନୈତିକ ଦଳ ଏହାକୁ ନେଇ ତମ୍ୱିତୋଫାନ କରିଥିଲେ
ସେପ୍ଟେମ୍ବର ୧ ପର୍ଯ୍ୟନ୍ତ ଆପତ୍ତି ଅଭିଯୋଗ ଗ୍ରହଣ କରାଯାଇଥିଲା
ସୁପ୍ରମିକୋର୍ଟରେ ରୁଜୁ ହୋଇଥିଲା ମାମଲା
ଚୂଡ଼ାନ୍ତ ତାଲିକା ପ୍ରକାଶ ପରେ ମଧ୍ୟ ତ୍ରୁଟିଥିଲେ ସୁପ୍ରିମକୋର୍ଟ ହସ୍ତକ୍ଷେପ କରିବେ
ତ୍ରୁଟି ଥିଲେ ଏସଆଇଆର ପ୍ରକ୍ରିୟାକୁ ସମ୍ପୂର୍ଣ୍ଣ ବାତିଲ କରାଯାଇପାରିବ
ଚୂଡ଼ାନ୍ତ ଭୋଟର ତାଲିକାରେ ତ୍ରୁଟି ଅଛି କି ନାହିଁ ସ୍ପଷ୍ଟ ହୋଇନାହିଁ
ସୁପ୍ରିମକୋର୍ଟରେ ମାମଲାର ଶୁଣାଣି ଅକ୍ଟୋବର ୭ରେ ହେବ