କନକବ୍ୟୁରୋ : ସାର ପାଇଁ ଚାଷୀଙ୍କ ଲମ୍ବା ଲାଇନ। ଗଞ୍ଜାମ ଜିଲ୍ଲା ସୋରଡ଼ାରେ ୟୁରିଆ ସାର ପାଇଁ ଚାଷୀଙ୍କ ଭିତରେ ଠେଲାପେଲା ପରିସ୍ଥିତି ସୃଷ୍ଟି ହୋଇଛି । ଭିଡ ନିୟନ୍ତ୍ରଣ ନହେବାରୁ ଶେଷରେ ପୋଲିସ ଉପସ୍ଥିତିରେ ବଣ୍ଟାଯାଇଛି ୟୁରିଆ ସାର ।  ସୋରଡ଼ା ବ୍ଲକ ସରାବାଡି ପଂଚାୟତ ଅଧୀନରେ ଥିବା ସନ୍ଧି ଗୁଣ୍ଡୁରୀବାଡ଼ି ଗାଁର ସେବା ସମବାୟ ସମିତି କେନ୍ଦ୍ରରେ  ଏଭଳି ସ୍ଥିତି ଦେଖିବାକୁ ମଳିଛି ।  ବର୍ତ୍ତମାନ ଚାଷ ଜମିରେ ସାର ପକାଇବାର ଉଚିତ ସମୟ ହୋଇଥିଲେ ମଧ୍ୟ ସମବାୟ ସମିତିରେ ସାର ମିଳୁନାହିଁ  । 

Advertisment

ସମବାୟ ସମିତିକୁ ସାର ଆସିବା ପରେ ଚାଷୀଙ୍କ ନାହିଁ ନଥିବା ଭିଡ଼ ଦେଖିବାକୁ ମିଳିଥିଲା  ।   ମାତ୍ର ୯୦୦ ବସ୍ତା ସାର ଆସିଥିବା ବେଳେ ଶତାଧିକ ଚାଷୀଙ୍କ ଭିଡ଼  ଜମିଥିଲା ।   ସୋରଡ଼ା ପୋଲିସ ଘଟଣାସ୍ଥଳରେ ପହଂଚିବା ପରେ ପରିସ୍ଥିତି ନିୟନ୍ତ୍ରଣ ହୋଇଥିଲା ।  ବସ୍ତା ପିଛା ୨୭୦ ଟଙ୍କା ଦରରେ ଚାଷୀ ୟୁରିଆ ସାର ନେଇଛନ୍ତି ।  ସାର ଆସିନଥିବାରୁ ବଜାରରେ ୭୦୦ ରୁ ୯୦୦ ଟଙ୍କା ସାର ବିକ୍ରି କରାଯାଉଛି। କଳାବଜାରୀକୁ ବନ୍ଦ କରିବାକୁ ସ୍ଥାନୀୟ ଚାଷୀ ଦାବି କରିଛନ୍ତି ।