ଥମୁନି ସାର ସଙ୍କଟ, ବୌଦ୍ଧରେ ସାର ପାଇଁ ଚାଷୀଙ୍କ ରାତି ଅନିଦ୍ରା

କନକ ବ୍ୟୁରୋ: ସାରର ଅଭାବ ଯୋଗୁଁ ଚାଷୀଙ୍କ ମୁଣ୍ଡରେ ଚଡ଼କ ପଡ଼ିଛି । ସମବାୟ ସମିତିରେ ସାର ପାଇଁ ଚାଷୀଙ୍କ ଲମ୍ୱା ଲାଇନ ଲାଗୁଛି । ଦିନ ରାତି ଅପେକ୍ଷା କରିବା ପରେ ବି ସାର ନପାଇ ନିରାଶାରେ ଘରକୁ ଫେରୁଛନ୍ତି। ଦାବି କଲେ ମଧ୍ୟ ଆବଶ୍ୟକତା ଅନୁସାରେ ୟୁରିଆ ସାର ମିଳିପାରୁ ନାହିଁ ।

ଯେତିକି ସାର ଲ୍ୟାମ୍ପସ୍‌କୁ ଆସୁଛି ତାହା ପର୍ଯ୍ୟାପ୍ତ ନୁହେଁ । ତେଣୁ କାହାକୁ ସାର ମିଳୁଛି ତ’ ଆଉ କାହାକୁ ମିଳୁନି । ଅନେକ ସ୍ଥାନରେ ଲ୍ୟାମ୍ପସ୍‌କୁ ସାର ନଆସି ବେସରକାରୀ ଡିଲର୍‌ଙ୍କୁ ସାର ଦିଆଯାଉଥିବା ଅଭିଯୋଗ ଆସୁଛି । ଏ ସବୁ ଭିତରେ ଚାଷୀ କେବେ ସାର ପାଇବ ଆଉ ଚାଷରେ ବ୍ୟବହାର କରିବା ତାହା ଚିନ୍ତାର କାରଣ ପାଲଟିଛି ।