ମହିଳା ରୋଗୀଙ୍କ ମଳ ଦ୍ବାର ନଳୀ କାଟିବା ଘଟଣା, ମାଲିକଙ୍କୁ ପଚରାଉଚରା

କନକବ୍ୟୁରୋ:  କଟକ ଜନନୀ ହସ୍ପିଟାଲରେ ତ୍ରୁଟିପୂର୍ଣ୍ଣ ଚିକିତ୍ସା ଯୋଗୁଁ ମହିଳା ରୋଗୀଙ୍କ ମଳଦ୍ବାର ନଳୀ କାଟିବା ଘଟଣାରେ ଜିଲ୍ଲା ସ୍ବାସ୍ଥ୍ୟ ବିଭାଗର ତଦନ୍ତ ଆରମ୍ଭ । ହସ୍ପିଟାଲରେ ପହଞ୍ଚି ଯାଞ୍ଚ କରିଛନ୍ତି ଏଡିଏମ୍‌ଓ ଏବଂ ଡିଲିଂ କ୍ଲର୍କ । ମଙ୍ଗଳାବାଗ ଥାନା ଅଧିକାରୀଙ୍କ ସହାୟତାରେ ଉଭୟ ଅଧିକାରୀ ଆବଶ୍ୟକ କାଗଜପତ୍ର ସହ ଭିତ୍ତିଭୂମି ଯାଞ୍ଚ କରିଛନ୍ତି । ଏହି କ୍ରମରେ ୪ ଦିନ ଧରି ନିଖୋଜ ଥିବା ହସ୍ପିଟାଲର ଦୁଇ ମାଲିକ ଆଲୋକ ଚୌଧୁରୀ ଓ ମଞ୍ଜୁଲତା ଚୌଧୁରୀଙ୍କୁ ପଚରାଉଚରା କରିଛନ୍ତି ।

ତଦନ୍ତ ପାଇଁ ଆଉ ଏକ ଟିମ ଗଠନ କରାଯିବ ବୋଲି କହିଛନ୍ତି ଏଡିଏମ୍‌ଓ ।  କିଛି ଦିନ ତଳେ କଟକ ରାଣୀହାଟସ୍ଥିତ ଜନନୀ ହସ୍ପିଟାଲରେ ଜଣେ ମହିଳା ଗର୍ଭ ନଷ୍ଟ କରିବା ପାଇଁ ଭର୍ତ୍ତି ହୋଇଥିଲେ । ଡାକ୍ତର ଭୁଲ ବଶତଃ ମହିଳାଙ୍କ ମଳଦ୍ବାର ନଳୀ କାଟିଦେଇଥିଲେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା । ଏନେଇ କନକ ନ୍ୟୁଜରେ ଖବର ପ୍ରସାରଣ ପରେ ସ୍ବାସ୍ଥ୍ୟ ବିଭାଗର ଚେତା ପଶିଛି ଏବଂ ଆରମ୍ଭ ହୋଇଛି ତନାଘନା ।