କନକ ବ୍ୟୁରୋ: ପଟ୍ଟାମୁଣ୍ଡାଇ ଛାତ୍ରୀ ପୋଡ଼ି ଓ ମୃତ୍ୟୁ ଘଟଣାରେ ଥାନାରେ ପୀଡ଼ିତାଙ୍କ ବାପା ଓ ଭାଇଙ୍କୁ ଚାଲିଛି ଜେରା । ଦୀର୍ଘ ଏକ ଘଣ୍ଟା ଧରି ଥାନା ଅଧିକାରୀଙ୍କ ପ୍ରକୋଷ୍ଟରେ ଜଣକ ପରେ ଜଣକୁ ଜେରା କରୁଛନ୍ତି ଥାନା ଅଧିକାରୀ l ପ୍ରେମିକ ନାଁରେ ମୃତ ଛାତ୍ରୀଙ୍କ ବାପା ଅସଦାଚରଣ କରିଥିବା ନେଇ ଏତଲା ଦେଇଥିବା କେନ୍ଦ୍ରାପଡ଼ା ଏସ୍‌ପି ସୂଚନା ଦେଇଛନ୍ତି । ପଟ୍ଟାମୁଣ୍ଡାଇ ଛାତ୍ରୀ ପୋଡି ଘଟଣା ଏବେ ବି ରହସ୍ୟ ଘେରରେ ରହିଛି। ଛାତ୍ରୀଙ୍କୁ ବାନ୍ଧିଥିଲା କିଏ? କେମିତି ଛାତ୍ରୀଙ୍କ ଚିତ୍କାର କାହାକୁ ଶୁଭିଲାନି? ଛାତ୍ରୀଙ୍କ ମୃତ୍ୟୁରେ ଆଉ କାହାର ସମ୍ପୃକ୍ତି ଅଛି କି? ମୃତ୍ୟୁର ୪ ଦିନ ପରେ ପୁଲିସ ଏହାର ଉତ୍ତର ଖୋଜି ପାଉନି । ଏସବୁ ଭିତରେ ଆଜି ମୃତ ଛାତ୍ରୀଙ୍କ ଗାଁରେ ପହଞ୍ଚିଛନ୍ତି ନିଜେ ଏସପି । ସୁରାକ ଖୋଜିବାକୁ ପଡୋଶୀଙ୍କ ସିସିଟିଭି କ୍ୟାମେରା ଯାଞ୍ଚ କରିଛି ଏସପିଙ୍କ ଟିମ୍ । ଏପରିକି ପରିବାର ଲୋକଙ୍କୁ ମଧ୍ୟ ଗୁଡେଇ ତୁଡେଇ ପ୍ରଶ୍ନ କରିଛନ୍ତି ନିଜେ ଏସପି ସିଦ୍ଧାର୍ଥ କଟାରିଆ । ବିଭିନ୍ନ ଦିଗକୁ ନଜରରେ ରଖି ତଦନ୍ତକୁ ଆଗକୁ ବଢାଉଛି ପୁଲିସ।