ଜଟଣିରେ ଜଳିଗଲା ଫାଷ୍ଟଫୁଡ୍ ଦୋକାନ, ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ଆସବାବପତ୍ର ନଷ୍ଟ

କନକ ବ୍ୟୁରୋ : ଖୋର୍ଦ୍ଧା ଜଟଣିରେ ଥିବା ଏକ ଫାଷ୍ଟଫୁଡ୍ ଦୋକାନରେ ଭୟଙ୍କର ଅଗ୍ନିକାଣ୍ଡ । ଅଗ୍ନିକାଣ୍ଡରେ ଦୋକାନରେ ଥିବା ଲକ୍ଷାଧିକ ଟଙ୍କାର ଆସବାବପତ୍ର ଜଳି ପାଉଁଶ ହୋଇଯାଇଛି । ନିଆଁ ଲାଗିଥିବାର ଖବର ପାଇଁ ଘଟଣା ସ୍ଥଳରେ ଜଟଣି ଅଗ୍ନିସମ ବଭାଗ ପହଂଚିଥିଲା । ନିଆଁକୁ ଆୟତ କରିବାରେ ଅଗ୍ନିସମ ବିଭାଗ ସଫଳ ହୋଇଛି । ଦୋକାନରେ ଥିବା ସିଲିଣ୍ଡର ବିସ୍ଫୋରଣ ହେବା ପୂର୍ବରୁ ଅଗ୍ନିସମ ବିଭାଗ ନିଆଁକୁ ଆୟତ କରିନେଇଥିବାରୁ ପାଖ ଦୋକାନଗୁଡିକ ରକ୍ଷା ପାଇଛି । ହେଲେ ଦୋକାନରେ କିଭଳି ନିଆଁ ଲାଗିଲା ସେନେଇ କିଛି ସ୍ପଷ୍ଟ ହୋଇନାହିଁ ।