ଗୌରବ ଖାନ୍ନା ଜିତିଲେ ବିଗ୍ ବସ୍: ରନର୍ସ ଅପ୍ ଫରହାନା କହିଲେ, ମୁଁ ହୃଦୟ ଜିତିଲି

କନକ ବ୍ୟୁରୋ: ଗୌରବ ଖାନ୍ନା ହେଲେ ଲୋକପ୍ରିୟ ଟିଭି ସୋ’ "ବିଗ୍ ବସ୍-୧୯"ର ବିଜେତା । ଫରହାନା ଭଟ୍ଟଙ୍କୁ ପଛରେ ପକାଇ ଗୌରବ ଏହି ଟାଇଟଲ୍ ଜିତିଛନ୍ତି । ତେବେ ଦୀର୍ଘ  ୧୫ ସପ୍ତାହ ପରେ ଶେଷ ହୋଇଛି "ବିଗ୍ ବସ୍-୧୯"। ଆଉ ଏହାର ବିଜେତା ହୋଇଛନ୍ତି ଟିଭି ସୁପରଷ୍ଟାର ଗୌରବ ଖାନ୍ନା  । ଅନ୍ୟପଟେ ଟ୍ରଫିର ନିକଟତର ହୋଇ ମଧ୍ୟ ଏହି ସୋ’ରେ ରନର୍ସ ଅପ୍ ହୋଇଛନ୍ତି ଫରହାନା ଭଟ୍ଟ ।

ତେବେ ଫାଇନାଲ ହାରିବା ପରେ, ଫରହାନା ଗଣମାଧ୍ୟମ ସହିତ ଆଲୋଚନା କରିଥିଲେ । ଯେଉଁଠି ସେ ବିଗ୍ ବସ୍ ୧୯ ରେ ତାଙ୍କ ଯାତ୍ରା ବିଷୟରେ ଖୋଲାଖୋଲି କହିଥିଲେ। ସେ ଗୌରବ ଖାନ୍ନାଙ୍କ ଠାରୁ ଫାଇନାଲରେ ହାରିବା ଉପରେ ମଧ୍ୟ ପ୍ରତିକ୍ରିୟା ପ୍ରକାଶ କରିଥିଲେ। ଏହି କାଶ୍ମିରୀ ଅଭିନେତ୍ରୀ ଜଣକ କହିଛନ୍ତି, "ମୁଁ କେବେ ଟ୍ରଫି ଉପରେ ଦୃଷ୍ଟି ରଖି ନଥିଲି। ମୋର ଏକମାତ୍ର ଲକ୍ଷ୍ୟ ଥିଲା ଲୋକଙ୍କ ହୃଦୟ ଜିତିବା ଏବଂ ସେମାନଙ୍କ ହୃଦୟରେ ସ୍ଥାନ ସୃଷ୍ଟି କରିବା। ତେଣୁ, ସେହି ଲକ୍ଷ୍ୟ ପୂରଣ ହୋଇଛି, ମୁଁ ଟ୍ରଫି ପାଏ କି ନାହିଁ।"

ସେ ଆହୁରି ମଧ୍ୟ କହିଛନ୍ତି ଯେ, ଗୌରବ ଖାନ୍ନା ଟ୍ରଫି ଜିତିଛନ୍ତି, କିନ୍ତୁ ମୁଁ ହୃଦୟ ଜିତିଛି। ମୁଁ ସୋ’ରେ ଯେପରି ଆଗକୁ ବଢ଼ିଥିଲି, ମୁଁ ନିଶ୍ଚିତ ଥିଲି ଯେ ମୁଁ ଶ୍ରେଷ୍ଠ ଦୁଇ ଜଣଙ୍କ ମଧ୍ୟରେ ରହିବି। ଅନ୍ୟପଟେ ଫରହାନା ଟିଭିରେ କାମ କରିବା ବିଷୟରେ ମଧ୍ୟ ମିଡିଆ ସହିତ ଆଲୋଚନା କରିଥିଲେ।

ଆହୁରି ପଢ଼ନ୍ତୁ : ବାରବାଟୀ ଟକ୍କର ପାଇଁ ବଢ଼ୁଛି ହାର୍ଟବିଟ୍, ଆଜି ବାରବାଟୀରେ କରିବେ ଅଭ୍ୟାସ

ଫରହାନା ପୁଣି ଟିଭିରେ କାମ କରିବେ କି?

ଶେଷରେ ଫରହାନା କହିଥିଲେ, ଯଦି ମୋତେ ଟିଭିରେ ସୁଯୋଗ ମିଳେ, ମୁଁ ନିଶ୍ଚିତ ଭାବରେ କାମ କରିବାକୁ ଚାହିଁବି। ମୁଁ ମନା କରିବିନି । ସେତେବେଳେ ପରିସ୍ଥିତି ଏପରି ଥିଲା ଯେ ମୁଁ ଗୌରବଙ୍କୁ ଯାହା କହିଥିଲି ତାହା ଯଥାର୍ଥ ଥିଲା। ଏହାସହ ସେ ଆହୁରି ମଧ୍ୟ କହିଥିଲେ ଯେ ଯଦିଓ ତାଙ୍କୁ ସୋ'ରେ ଜଣେ ଖଳନାୟକ ଭାବରେ ଚିତ୍ରଣ କରାଯାଇଥାଇପାରେ, ହେଲେ ତାଙ୍କର ଏ ଯାତ୍ରା କିନ୍ତୁ  ସୁପର ହିରୋ ଷ୍ଟାଇଲରେ ଶେଷ ହୋଇଛି ।

ଜାଣିରଖିବା ଉଚିତ ଯେ, ବିଗ୍ ବସ୍ ୧୯ ଫାଇନାଲରେ ଅମାଲ୍ ମଲିକ୍, ପ୍ରଣିତ ମୋରେ ଏବଂ ତାନ୍ୟା ମିତ୍ତଲ ଶ୍ରେଷ୍ଠ ପାଞ୍ଚ ଜଣ ପ୍ରତିଯୋଗୀଙ୍କ ମଧ୍ୟରେ ଥିଲେ। ତଥାପି କମ ଭୋଟ୍ ଯୋଗୁଁ ଅମାଲ୍ ଚତୁର୍ଥ ରନର୍ସ ଅପ୍, ତାନ୍ୟା ତୃତୀୟ ରନର୍ସ ଅପ୍ ଏବଂ ପ୍ରଣିତ ଦ୍ୱିତୀୟ ରନର୍ସ ଅପ୍ ସ୍ଥାନରେ ରହିଥିଲେ। ଗୌରବ ଖାନ୍ନା ₹୫୦ ଲକ୍ଷ ପୁରସ୍କାର ସହିତ ସୋ'ର ଟ୍ରଫି ପାଇଥିଲେ।