କନକ ବ୍ୟୁରୋ: ବର୍ଷା ଅଭାବ ଜମି ଫାଟି ଆଁ। ଜମିକୁ ଜଳଯୋଗାଣ ଦାବି। ଉଠାଜଳସେଚନ ପ୍ରକଳ୍ପ ସମ୍ମୁଖରେ ଚାଷୀଙ୍କ ଧାରଣା। ସମ୍ବଲପୁର ଜିଲ୍ଲା କୁଚିଣ୍ଡା ଉପଖଣ୍ଡ ଅଞ୍ଚଳରେ ବର୍ଷା ଅଭାବ ଯୋଗୁଁ ଚାଷ ଜମି ଫାଟି ଆଁ କରିଛି। ଚାଷ ଜମିକୁ ପାଣି ନ ଯିବା ନେଇ ଆଜି ପାର୍ବତୀଗିରି ଉଠା ଜଳସେଚନ ପ୍ରକଳ୍ପ ସମ୍ମୁଖରେ ଧାରଣା ଦେଇଛନ୍ତି ଚାଷୀ। ସଇଡା, ପତ୍ରାପାଲି, ପରୁଆଭାଡି, ଖଣ୍ଡୋକଟା, ସିଙ୍କଲପୋଷ ଆଦି ଗାଁ ଚାଷୀମାନେ ଧାରଣା ଦେବା ସହିତ ବିକ୍ଷୋଭ ପ୍ରଦର୍ଶନ କରୁଛନ୍ତି। ଚାଷୀ ଙ୍କ ଗୋଟିଏ ଦାବି ଜମି କୁ ତୁରନ୍ତ ଜଳ ଯୋଗାଣ କରାଯାଉ। ନଚେତ ଫସଲ ନଷ୍ଟ ହୋଇଯିବ।