ରାସ୍ତା ଉପରେ ମାଣ ବସାଇଲେ ଚାଷୀ, ହୁଳହୁଳିରେ କମ୍ପିଲା ବରଗଡ଼ ଜିଲାପାଳଙ୍କ କାର୍ଯ୍ୟାଳୟ

କନକ ବ୍ୟୁରୋ:  ଧାରଣାସ୍ଥଳରେ ଚାଷୀଙ୍କ ମାଣବସା ଗୁରୁବାର । ହୁଳହୁଳିରେ କମ୍ପିଲା ବରଗଡ଼ ଜିଲାପାଳଙ୍କ କାର୍ଯ୍ୟାଳୟ । ଆଜି ଘରେ ଘରେ ପାଳିତ ହେଊଛି ମାଣବସା ଗୁରୁବାର । ଅନ୍ୟପଟେ ଧାନ ବିକ୍ରି ପଞ୍ଜୀକରଣ ଦାବିରେ ବରଗଡ଼ ଜିଲାପାଳଙ୍କ କାର୍ଯ୍ୟାଳୟରେ ଚାଲିଥିବା ଧାରଣା ଚତୁର୍ଥ ଦିନରେ ପହଞ୍ଚିଛି ।

ଭୁବନେଶ୍ୱର ଲୋୟର ପିଏମଜିରେ ଅଭିନବ ପ୍ରତିବାଦ । ମଝି ରାସ୍ତାରେ ମାଣବସାଇ ପ୍ରତିବାଦ କଲେ ନିଖିଳ ଓଡିଶା ମହିଳା ସ୍ୱାସ୍ଥ୍ୟକର୍ମୀ

ଚାଷୀମାନେ ମାଣବସା ଗୁରୁବାରରେ ନିଜ ଘରେ ଅନୁପସ୍ଥିତ ଥିଲେ ମଧ୍ୟ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଚାଲିଥିବା ଧାରଣାସ୍ଥଳରେ ମାଣବସା ଗୁରୁବାର ପାଳନ କରୁଛନ୍ତି । ବିଧିମତେ ମାଆ ଲକ୍ଷ୍ମୀଙ୍କର ପୂଜା କରାଯାଇଛି । ଅମଳ ଧାନକୁ ମଧ୍ୟ ପୂଜାର୍ଚ୍ଚନା କରାଯାଇଛି । ଧାରଣାସ୍ଥଳରେ ଚାଷୀମାନେ ଲକ୍ଷ୍ମୀ ପୁରାଣ ପଢିବା ସହ ହୁଳହୁଳି ପକାଇଛନ୍ତି ।