ପଦାରେ ପଡ଼ିଲା ଭଣ୍ଡ ବାବାଙ୍କ କଳାକାରନାମା : ଢେଙ୍କାନାଳ କାମାକ୍ଷନଗର ଥାନା ଅଞ୍ଚଳର ଲଜ୍ଜାକର ଘଟଣା

କନକବ୍ୟୁରୋ : ବାବାଙ୍କ ନାଁରେ ଦୁଷ୍କର୍ମ ଓ ଅସଦାଚରଣ ଅଭିଯୋଗ ଆଣିଲେ ଅନ୍ତେବାସୀ ।  ଥାନାରେ ଅଭିଯୋଗ ପରେ ବାବାଙ୍କୁ ଅଟକ ରଖି ପଚରାଉଚରା କରୁଛି ପୁଲିସ୍   । ଢେଙ୍କାନାଳ କାମାକ୍ଷାନଗର ଥାନା ଅଞ୍ଚଳରୁ ଆସିଛି ଏଭଳି ଲଜ୍ଜାଜନକ ଖବର ।  ଆଶ୍ରମରେ ପୀଡ଼ିତା ଜଣକ ରହି ଠାକୁରଙ୍କ ସେବାକାର୍ଯ୍ୟ କରିବା ସହିତ ଭୋଜନାଳୟରେ ସହାୟିକା ଭାବେ କାର୍ଯ୍ୟ କରୁଥିଲେ  ।  

ତେବେ ଏହି ଆଶ୍ରମର ବାବା ଅନ୍ତେବାସୀଙ୍କୁ ଜୋର ଜବରଦସ୍ତ ଦୁଷ୍କର୍ମ ଓ ଅସଦାଚରଣ କରିଥିବା ସେ ଅଭିଯୋଗ କରିଛନ୍ତି ।  ଆଶ୍ରମ ଟି ମଧୁମଙ୍ଗଳ ଇସ୍କନ ଟ୍ରଷ୍ଟ ନାମରେ ପରିଚାଳିତ ହେଉଥିବା ବେଳେ ଭୋଜନାଳୟର ନାମ ଶ୍ରୀ ଗୋବିନ୍ଦ ଭୋଜନାଳୟ। ପୀଡ଼ିତା ଜଣକ ଏନେଇ ଅଭିଯୋଗ କରିବା  ପରେ କାମାକ୍ଷାନଗର ପୋଲିସ୍ ବାବା ଜଣଙ୍କୁ ଥାନାରେ ଅଟକ ରଖି ପଚରାଉଚରା କରୁଥିବା ଜଣାପଡିଛି।