କନକ ବ୍ୟୁରୋ : ରାୟଗଡ଼ା ଜିଲ୍ଲାରେ ବଢ଼ୁଛନ୍ତି ମ୍ୟାଲେରିଆ ଆକ୍ରାନ୍ତ । ବର୍ଷକୁ ବର୍ଷ ଆକ୍ରାନ୍ତ ଦୁଇ ଗୁଣ ବଢ଼ିବା ନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି । ଯାହା ଜିଲ୍ଲାରେ ମ୍ୟାଲେରିଆକୁ ନେଇ ସ୍ଥିତି ଗମ୍ଭୀର ଥିବା ଜଣାପଡ଼ିଛି । ପୁଣି ମ୍ୟାଲେରିଆରେ ଜଣେ ଦଶମ ଶ୍ରେଣୀ ଆଦିବାସୀ ଛାତ୍ରୀଙ୍କ ମୃତ୍ୟୁ ହୋଇଛି । ମୃତ ଛାତ୍ରୀ ଜଣକ ହେଲେ ଶେଷଖାଲ ଥାନା ଅନ୍ତର୍ଗତ ଜାଙ୍ଗିଡ଼ି ଗାଁର ପିଙ୍କି ନାଚିକା। ସେ ମାଟିକଣା ଆଶ୍ରମ ବିଦ୍ୟାଳୟର ହଷ୍ଟେଲରେ ପାଠ ପଢ଼ୁଥିଲେ । ଗତ ଅଗଷ୍ଟ ୪ରେ ବିଦ୍ୟାଳୟରେ ମ୍ୟାଲେରିଆ ପରୀକ୍ଷାରୁ ପିଙ୍କିଙ୍କ ସହ ଆଉ ୨ ଜଣଙ୍କ ମ୍ୟାଲେରିଆ ପଜିଟିଭ୍‌ ବାହାରିଥିଲା । ଏହା ପରେ ୩ ଜଣଙ୍କୁ ମାଟିକଣା ସବସେଣ୍ଟରକୁ ନେଇ ଚିକିତ୍ସା କରାଯାଇଥିଲା । ପରେ ସ୍କୁଲ ପକ୍ଷରୁ ଏନେଇ ପରିବାର ଲୋକଙ୍କୁ ଖବର ଦେବା ପରେ ଛାତ୍ରୀଙ୍କ ଭାଇ ଭଉଣୀକୁ ଘରକୁ ନବା ପାଇଁ ଅଡ଼ି ବସିଥିଲେ । ଶେଷରେ ଏକ ହାତଲେଖା ଦେଇ ଭଉଣୀକୁ ଘରକୁ ନେଇ ଆସି ଝଡ଼ାଫୁଙ୍କା କରିବା ସହ କ୍ବାକ ଦ୍ୱାରା ଚିକିତ୍ସା କରାଇଥିଲେ ପରିବାର ଲୋକ । ଯାହାର ଫଳସ୍ୱରୂପ ଛାତ୍ରୀଙ୍କର ଆଜି ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଅନ୍ୟପଟେ ସ୍କୁଲ କର୍ତ୍ତୃପକ୍ଷଙ୍କ ଅବହେଳା ଯୋଗୁଁ ଝିଅର ମୃତ୍ୟୁ ହୋଇଥିବା ନେଇ ଅଭିଯୋଗ କରିଛନ୍ତି ପରିବାର ଲୋକ । ଅନ୍ୟପଟେ ଏନେଇ ତଦନ୍ତ ରିପୋର୍ଟ ଜିଲ୍ଲାପାଳଙ୍କୁ ପ୍ରଦାନ କରାଯିବ ବୋଲି ଜିଲ୍ଲା ମଙ୍ଗଳ ଅଧିକାରିଣୀ ଅସୀମା ରାଓ ସୂଚନା ଦେଇଛନ୍ତି ।

Advertisment

ମ୍ୟାଲେରିଆ ନିୟନ୍ତ୍ରଣରେ ଫେଲ୍‌
ମ୍ୟାଲେରିଆ ନିରାକରଣରେ ରାଜ୍ୟର ଅଲୋଡ଼ା ରେକର୍ଡ
ମ୍ୟାଲେରିଆ ଏବେ ଉପରମୁହାଁ
କାଟାଗୋରି ୨ରୁ ୩କୁ ଖସିଛି ଓଡ଼ିଶା 
ସ୍ଥିତି ସୁଧାରିବାକୁ ତଥ୍ୟ ଲୁଚାଉଛନ୍ତି କି ରାଜ୍ୟ ସରକାର
ମାଲକାନଗିରି ଜିଲ୍ଲାରେ ସରକାରୀ ଭାବେ ୨ଜଣଙ୍କ ମୃତ୍ୟୁ
ରାୟଗଡ଼ା ଜିଲ୍ଲାରେ ମଧ୍ୟ ୨ ଜଣ ମ୍ୟାଲେରିଆ ଆକ୍ରାନ୍ତଙ୍କ ମୃତ୍ୟୁ 
ବେସରକାରୀ ଭାବେ ମୃତ୍ୟୁ ସଂଖ୍ୟା ଆହୁରି ଅଧିକ

ରାୟଗଡ଼ା ସ୍ଥିତି ଗମ୍ଭୀର
ଜିଲ୍ଲାରେ ମ୍ୟାଲେରିଆରେ ଓଡ଼ିଶାର ଦ୍ବିତୀୟ ସ୍ଥାନରେ ରାୟଗଡ଼ା
ବର୍ଷକୁ ବର୍ଷ ଆକ୍ରାନ୍ତଙ୍କ ସଂଖ୍ୟା ୨ଗୁଣ ବଢ଼ୁଛି
ଏନୋଫୋଲିସ୍ ଫଲୁଭିଆଟାଲିସ୍‌ ମଶା ଏଥିପାଇଁ ଦାୟୀ 
ପାହାଡ଼ିଆ ଅଞ୍ଚଳ ଜଳ ଉତ୍ସରେ ଏହି ମଶାର ଜନ୍ମ
ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ମିଳିଥିବା ତଥ୍ୟ ଅନୁସାରେ, 
୨୦୧୯ରେ ଜିଲ୍ଲାରେ ୫,୭୧୯ ଜଣ ମ୍ୟାଲେରିଆ ପଜିଟିଭ୍‌ ଚିହ୍ନଟ
୨୦୨୦ରେ ୫,୩୯୨ ଓ ୨୦୨୧ରେ ୨,୭୯୦ ଜଣ
ସେହିପରି ୨୦୨୨ରେ ୪,୯୯୮ ଓ ୨୦୨୩ରେ ୯, ୯୨୫ ଜଣ
୨୦୨୪ରେ ୧୩,୮୩୫ ଜଣ ମ୍ୟାଲେରିଆ ପଜିଟିଭ ଚିହ୍ନଟ 
୩ ଜଣଙ୍କ ମୃତ୍ୟୁ ମଧ୍ୟ ହୋଇଛି

ସରକାରୀ ତଥ୍ୟ କହୁଛି..
ଜାନୁଆରିରୁ ଜୁନ୍ ଶେଷ ଯାଏଁ ରାଜ୍ୟରେ ଜଣେ ମାତ୍ର ରୋଗୀ ମ୍ୟାଲେରିଆରେ ପ୍ରାଣ ହରାଇଛନ୍ତି 
ଜୁନ୍ ଶେଷ ସୁଦ୍ଧା ୩୬,୩୮୮ ମ୍ୟାଲେରିଆ ପଜିଟିଭ୍‌ ଚିହ୍ନଟ
କଳାହାଣ୍ଡିରେ ସର୍ବାଧିକ ୮ ହଜାର ୨୯
ରାୟଗଡ଼ାରେ ୭ ହଜାର ୮୧
କନ୍ଧମାଳରେ ୪ ହଜାର ୫୮୧
ମାଲକାନଗିରିରେ ୪ ହଜାର ୨୪୩
କୋରାପୁଟ ଜିଲ୍ଲାରେ ୩୯୯୬
ମୟୂରଭଞ୍ଜରେ ୩୪୨୧ ମ୍ୟାଲେରିଆ ରୋଗୀ ଚିହ୍ନଟ
ମାଲକାନଗିରି ଜିଲ୍ଲାରେ ୨୦୨୪ରେ ମୋଟ ୪୪୯୭ ରୋଗୀ ଚିହ୍ନଟ 
ଚଳିତବର୍ଷ ଜୁନ୍‌ ମାସ ଶେଷ ସୁଦ୍ଧା ୪୨୪୩ ଅତିକ୍ରମ କରିଛି ଆକ୍ରାନ୍ତଙ୍କ ସଂଖ୍ୟା 
ରାୟଗଡ଼ା ଜିଲ୍ଲାରେ ମଧ୍ୟ ଆକ୍ରାନ୍ତଙ୍କ ସଂଖ୍ୟା ୩ ଗୁଣ ବଢ଼ିଛି

କାହିଁକି ୩ ନମ୍ବରକୁ ଖସିଲା ଓଡ଼ିଶା?
ଇଣ୍ଟେନସ୍ପିଫାଏଡ୍ କଣ୍ଟ୍ରୋଲ ଫେଜ୍-ଥ୍ରୀ ବା ପ୍ରଗାଢ଼ ନିୟନ୍ତ୍ରଣ ଫେଜ୍ 
ଏପିଆଇ ବା ହଜାରରେ ଜଣଙ୍କୁ ମ୍ୟାଲେରିଆ 
ଏହି ହାରରେ ୩ ନମ୍ବରକୁ ଖସିଛି ଓଡ଼ିଶା
ରାଜ୍ୟରେ ୧୦ରୁ ଅଧିକ ଜିଲ୍ଲାରେ ଏପିଆଇ୍‌ ହାର ୧ରୁ ଅଧିକ 
ଗତ ବର୍ଷ ଫେଜ୍ ୨ରେ ଥିଲା ଓଡ଼ିଶା
ମ୍ୟାଲେରିଆ ନିରାକରଣ ଲାଗି ଅଣ୍ଟା ଭିଡ଼ିଛନ୍ତି ରାଜ୍ୟ ସରକାର
ସ୍ୱାସ୍ଥ୍ୟମନ୍ତ୍ରୀ ସମସ୍ତ ଜିଲ୍ଲାପାଳଙ୍କ ଓ ସିଡିଏମ୍‌ଓଙ୍କ ସହ ଆଲୋଚନା କରିଛନ୍ତି
ମ୍ୟାଲେରିଆ ଉପଦୃତ ଜିଲ୍ଲାରେ ଟାର୍ଗେଟ୍‌ ଗାଁ ଚିହ୍ନଟ କର
ରକ୍ତ ନମୁନା ସଂଗ୍ରହ କର