ମହଙ୍ଗା ପଡ଼ିଲା ସାଦା ପୋଷାକରେ ଚଢ଼ାଉ : ଗଞ୍ଜେଇକୁ ଧରିବାକୁ ଆସି ହଟହଟା

କନକବ୍ୟୁରୋ : ମହଙ୍ଗା ପଡିଲା ସାଧା ପୋଷାକରେ ଚଢାଉ ।  ଚୋର ଭାବି ପୁଲିସକୁ ନିସ୍ତୁକ ମାଡ଼ ମାରିଲେ ଲୋକେ ।  କନ୍ଧମାଳ ଜିଲ୍ଲାର ବାଲିଗୁଡ଼ାରେ ଏଭଳି ଘଟଣା ଦେଖିବାକୁ ମିଳିଛି ।  ଜଣେ ଗଞ୍ଜେଇ ବେପାରୀଙ୍କୁ ଧରିବାକୁ ଆସି ହଟହଟା ହୋଇଛି କଳାହାଣ୍ଡି ପୁଲିସ ।  ବାଲିଗୁଡ଼ା ଥାନା ପୁସାଙ୍ଗିଆ ଗ୍ରାମର ଜଣେ ଗଞ୍ଜେଇ ବେପାରୀକୁ ଧରିବାକୁ  ଆସିଥିଲେ ।  ବେପାରୀ ଖସିଯିବା ସହ ପୁଲିସ କୁ ପାନେ ଦେବା ପାଇଁ ଷଡ଼ଯନ୍ତ୍ର ରଚିଥିଲା ।  

ପରେ ଫୋନରେ ସମସ୍ତଙ୍କୁ କାରରେ କିଛି କଳାହାଣ୍ଡି ଲୋକ ଅପହରଣ ତାଙ୍କୁ କରିବାକୁ ଆସିଥିଲେ ସେମାନଙ୍କ ହାବୁଡ଼ରୁ ସେ ଖସି ଆସି ଜଙ୍ଗଲରେ ଅଛି  ।  ସେମାନଙ୍କ ଗାଡିକୁ ଅଟକାଇବାକୁ କହିଥିଲା ବେପାରୀ  ।   ପରେ ଲୋକେ କିଛି ନ ବୁଝି କୃତ୍ତମଗଡ ଟୋଲ ଗେଟ ନିକଟରେ ପୁଲିସ ଅଧିକାରୀ ଯାଉଥିବା କାରକୁ ଅଟକାଇଥିଲେ  ।   ପୁଲିସ ଅଧିକାରୀ ମାନେ ସାଧା ପୋଷାକରେ ଥିବାରୁ ସେମାନଙ୍କ କଥା ଶୁଣିନଥିଲେ ଲୋକେ ।

ସେମାନଙ୍କ ମଧ୍ୟରୁ ଦୁଇ ଜଣ ପୁଲିସ ଅଧିକାରୀ ଜୀବନ ବିକଳରେ ଦୌଡିବାରୁ ଲୋକଙ୍କ ସନ୍ଦେହ ବଢିଥିଲା ।  ଏହା ପରେ ଲୋକ ରୁଣ୍ଡ ହୋଇଯିବା ସହ ମାଡ ମାରିଥିଲେ । ଏହି ସମୟରେ ଜଣେ ପୁଲିସ ଅଧିକାରୀ ନିଜକୁ ବନ୍ଧୁକକୁ କାଢି ଭୟଭିତ କରିବା ପରେ ଲୋକ ଶାନ୍ତ ହୋଇ ତୁମୁଡ଼ିବନ୍ଧ ପୁଲିସକୁ ଜଣାଇଥିଲେ  ।  ଘଟଣା ସ୍ଥଳରେ ତୁମୁଡ଼ିବନ୍ଧ ପୁଲିସ ପହଞ୍ଚି ସାଧା ପୋଷାକ ରେ ଥିବା ତିନି ପୁଲିସ ଅଧିକାରୀକୁ ମୁକୁଳେଇବା ସହ ଥାନାକୁ ଆଣିଥିଲେ  ।