ମହଙ୍ଗା ପଡ଼ିଲା ବାଇକ୍ ଷ୍ଟଣ୍ଟ, ଗାଡ଼ି ମାଲିକଙ୍କ ନାଁରେ ୧୩ହଜାର ଟଙ୍କାର ଚାଲାଣ କାଟିଲା ପରିବହନ ବିଭାଗ

କନକ ବ୍ୟୁରୋ :  ମହଙ୍ଗା ପଡ଼ିଲା ବାଇକ୍‌ ଷ୍ଟଣ୍ଟ । ଗାଡି ମାଲିକ ଙ୍କ ନାଁରେ ୧୩,୦୦୦ ଟଙ୍କା ଚାଲାଣ କାଟିଲା ପରିଵହନ ବିଭାଗ । ଆରଟିଓ ପକ୍ଷରୁ ଗାଡି ମାଲିକଙ୍କ ନାଁରେ କଟିଲା ଚାଲାଣ । ଭୂଦାନ ଛକ ଠାରୁ ତାଳବଣିଆ ରାସ୍ତାରେ ଯୁବକ ଜଣକ ସଡ଼କ ସୁରକ୍ଷା ନିୟମ ଖୋଲାଖୋଲି ଉଲ୍ଲଂଘନ କରୁଥିବା ଭିଡିଓରେ ଦେଖିବାକୁ ମିଳିଛି । ବିନା ହେଲମେଟରେ ବେପାରୁଆ ଭାବେ ଦୁଇ ହାତ ଛାଡି ଗାଡି ଚାଳନା ଦୃଶ୍ୟର ରିଲ୍‌ ଭିଡିଓ ଭାଇରାଲ ହୋଇଛି ।

ସୋସିଆଲ ମିଡିଆରେ ଭିଡିଓ ଭାଇରାଲ ହେବା ପରେ ଆକ୍ସନ୍ ମୋଡ୍‌ରେ ପୁରୀ ଆରଟିଓ । ଗାଡ଼ି ମାଲିକଙ୍କ ବିରୋଧରେ ୧୩ହଜାର ଟଙ୍କାର ଫାଇନ୍ କରିଛି ବିଭାଗ । ସାମାଜିକ ଗଣ ମାଧ୍ୟମ ଏକ୍ସରେ ପୁରୀ ଆରଟିଓ ତରଫରୁ ସୂଚନା ଦିଆଯାଇଛି ।