କନକ ବ୍ୟୁରୋ : ଚୋରା ଦେଶୀ ମଦ ଚାଲାଣବେଳେ ମାଡ଼ି ବସିଲା ଅବକାରୀ ବିଭାଗ । ଗୋଡ଼ାଇ ଗୋଡ଼ାଇ ଧରିଲା ଅବକାରୀ ବିଭାଗ । କଟକ ତିଗିରିଆ ଅଞ୍ଚଳରୁ ଆସିଲା ଏଭଳି ରୋଚକ ଦୃଶ୍ୟ । ଅବକାରୀ ବିଭାଗର ଅଧିକାରୀଙ୍କୁ ଚକମା ଦେଇ କାର୍ରେ ଫେରାର ହେଉଥିବାବେଳେ ଫିଲ୍ମ ଷ୍ଟାଇଲରେ ମାଡ଼ି ବସିଲା । ବେଶ କିଛି ସମୟର ଛକାପଞ୍ଜା ପରେ ଶେଷରେ କାରକୁ ଧରିବା ସହ ମଦମାଫିଆକୁ ଧରିବାରେ ସଫଳ ହୋଇଛି ଅବକାରୀ ବିଭାଗ ।
ଏହାସହ ଚଢ଼ାଉ କରି ବ୍ୟାପକ ପୋଚ ଜବତ କରିଛି । ପୋଖରୀ ପାଣି ଭିତରୁ ମଦରନ୍ଧା ହାଣ୍ଡି ଓ ଅନ୍ୟାନ ସାମଗ୍ରୀ ଅବକାରୀ ବିଭାଗ ଜବତ କରିଛି । ଚଢ଼ାଉ ଖବର ପାଇ ମଦ ମାଫିଆ ମାନେ ମଦ ପ୍ରସ୍ତୁତି ହେଉଥିବା ବଡ଼ ବଡ଼ ହାଣ୍ଡି ଗୁଡିକୁ ଏକ ପୋଖରୀରେ ବୁଡାଇ ଲୁଚାଇ ରଖିଥିଲେ । ଯାହାକୁ ଅବକାରୀ କର୍ମଚାରୀ ମାନେ ପୋଖରୀରେ ବୁଡ଼ି ବାହାର କରିଛନ୍ତି । ଆଠଗଡ ଥାନା ଅନ୍ତର୍ଗତ କୋରଙ୍ଗା ଗାଁରେ ଏବଂ ତିଗିରିଆ ଥାନା ଅନ୍ତର୍ଗତ ପାଇକସାହି ଗାଁରେ ଆଠଗଡ ଅବକାରୀ ବିଭାଗ ଓ ଆଠଗଡ଼ ପୋଲିସ ମିଳିତ ବାବେ ଚଡାଉ କରିଥିଲା । ଚଢ଼ାଉରେ ୧୭୫୦ ଲିଟର ଦେଶୀ ମଦ ସହ ୧୫୪୭୦ ଲିଟର ପୋଚ ଜବତ କରିଛି ।
/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/member_avatars/2025/04/05/2025-04-05t104857750z-whatsapp-image-2025-04-05-at-161819.jpeg)
/kanak/media/media_files/2025/09/13/smuggling-liquor-2025-09-13-11-34-59.jpg)