ସ୍ବାଧୀନତାର ୭୮ ବର୍ଷ ପରେ ବି ଦୟନୀୟ ଦୃଶ୍ୟ : ଗାଁକୁ ନାହିଁ ପକ୍କା ରାସ୍ତା ଖଟିଆରେ ବୁହାହେଲେ ରୋଗୀ

କନକବ୍ୟୁରୋ :  ସ୍ବାଧୀନତାର ୭୮ ବର୍ଷ ପରେ ନାହିଁ ପକ୍କା ରାସ୍ତା । ରାସ୍ତା ନଥିବାରୁ ଖଟିଆରେ ବୁହାହେଲା ଶବ ।  ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ଦଦରା ଗାଁରୁ ଆସିଲା ଚିତ୍ର । ଗାଁକୁ ରାସ୍ତା ନଥିବାରୁ ଆସିପାରିଲାନି ଶବବୁହା ଗାଡ଼ି  ।   ଫଳରେ ଖଟିଆରେ ବୁହା ହୋଇ ୩ କିଲୋମିଟର ପର୍ଯ୍ୟନ୍ତ ଚାଲିଲା ଶବ ଶୋଭାଯାତ୍ରା l ଶବକୁ ଖଟିଆରେ ପକାଇ କାନ୍ଧରେ ବୋହି ଘରକୁ ଆଣିଲେ ସମ୍ପର୍କୀୟ  l

ନୂଆଗାଁ ପଂଚାୟତ ଦଦରା ଗାଁର କବୀନ୍ଦ୍ର ବେହେରାଙ୍କ ସ୍ତ୍ରୀ ତ୍ରିପୁରା ବେହେରା ଗତ କିଛି ଦିନ ହେଲା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଥିଲେ  । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା  ବେଳେ ଶବ ବୁହା ଗାଡ଼ି ସାହାଯ୍ୟରେ ତାଙ୍କ ଶବକୁ ଗାଁକୁ ପଠାଯାଇଥିଲା ।  ହେଲେ କାଦୁଅ ଯୋଗୁଁ ଗାଁକୁ ଶବ ବୁହା ଗାଡ଼ି ପହଞ୍ଚି ପାରିନଥିଲା ।

ବାଧ୍ୟ ହୋଇ ପରିବାର ଓ ସମ୍ପର୍କୀୟ ଲୋକେ ଖଟିଆକୁ ଭାର କରି କାନ୍ଧରେ ବୋହି ଶବକୁ ଗାଁକୁ ନେଇଥିଲେ। ସ୍ୱାଧୀନତାର ଏତେ ବର୍ଷ ପରେ ବି ଗାଁକୁ ରାସ୍ତା ଖଣ୍ଡିଏ ନଥିବାରୁ ଏଭଳି ଦୁର୍ଦ୍ଦଶା ଭୋଗିବାକୁ ପଡୁଛି ବୋଲି ସମ୍ପର୍କୀୟ କହିଛନ୍ତି ।  ସେପଟେ ସମସ୍ତଙ୍କୁ ଗୁହାରି ପରେ ଏଵେ ସିଧା ସଳଖ ମୁଖ୍ୟମନ୍ତ୍ରୀଙ୍କୁ  ରାସ୍ତା ଖଣ୍ଡିଏ ପାଇଁ ଅନୁରୋଧ କରିଛନ୍ତି ଗ୍ରାମବାସୀ l
--