ଟ୍ରମ୍ପଙ୍କ ବୟାନ୍, ଜେଲେନସ୍କି ତୃତୀୟ ବିଶ୍ୱଯୁଦ୍ଧର ସୂତ୍ରଧର !

କନକ ବ୍ୟୁରୋ : ମୁହାଁମୁହିଁ ଦୁଇ ରାଷ୍ଟ୍ରନେତା । ଯୁଦ୍ଧ ବିରତିକୁ ନେଇ ଆମେରିକା ରାଷ୍ଟ୍ରପତି ଓ ୟୁକ୍ରେନ ରାଷ୍ଟ୍ରପତିଙ୍କ ମଧ୍ୟରେ ବାକଯୁଦ୍ଧ। ଶୁକ୍ରବାର ହ୍ବାଇଟ ହାଉସ ଓଭାଲ କାର୍ଯ୍ୟାଳୟରେ ଡୋନାଲ୍ଡ ଟ୍ରମ୍ପ ଓ ଭୋଲଦମିର ଜେଲେନସ୍କିଙ୍କ ସାକ୍ଷାତ ସମୟରେ ସାମ୍ନାକୁ ଆସିଛି ଏଭଳି ଦୃଶ୍ୟ । ରୁଷ ସହ ଅସ୍ତ୍ର ବିରତି ପ୍ରସ୍ତାବକୁ ନେଇ ଉଭୟଙ୍କ ମଧ୍ୟରେ ପ୍ରବଳ ଯୁକ୍ତିତର୍କ ଦେଖିବାକୁ ମିଳିଛି, ଏପରି କି ଜେଲେନସ୍କିଙ୍କୁ ଚେତାଇ ଦେଇଛନ୍ତି ଟ୍ରମ୍ପ । ରୁଷ-ୟୁକ୍ରେନ ଯୁଦ୍ଧ ଶେଷ କରିବାକୁ  ଆମେରିକା ଏବଂ ୟୁକ୍ରେନ ମଧ୍ୟରେ ବୈଠକ ଏକ ବଡ ଆଶ୍ବସ୍ତି ହେବ ବୋଲି ଆଶା କରାଯାଉଥିଲା କିନ୍ତୁ ଫଳାଫଳ କିଛି ଓଲଟା ଦେଖିବାକୁ ମିଳିଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଭୋଲଦିମିର ଜେଲେନସ୍କିଙ୍କ ମଧ୍ୟରେ ଆଲୋଚନା ବେଳେ ପ୍ରବଳ ଯୁକ୍ତିତର୍କ ହୋଇଛି। ଶେଷରେ ଟ୍ରମ୍ପଙ୍କ ଅନୁରୋଧକ୍ରମେ ଜେଲେନସ୍କିଙ୍କୁ ହ୍ବାଇଟ ହାଉଟ ହାଉସରୁ ଚାଲିଯିବାକୁ ପଡ଼ିଛି । ଏହି ଆଲୋଚନା ପରେ ଏପରି କିଛି ଦେଖିବାକୁ ମିଳିଛି, ଯାହା ଆଗାମୀ ଦିନରେ ଚିନ୍ତା ବଢାଇପାରେ ବୋଲି ଆଶଙ୍କା ସୃଷ୍ଟି ହୋଇଛି । 

ଅନେକ ୟୁରୋପୀୟ ନେତାମାନେ ଜେଲେନସ୍କିଙ୍କୁ ସମର୍ଥନ କରିଛନ୍ତି । ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋନ୍ ଜେଲେନସ୍କିକୁ ସମର୍ଥନ କରିବା ସହ ଋଷକୁ ଆକ୍ରମଣକାରୀ କହିଛନ୍ତି । ୟୁକ୍ରେନ୍ ନିଜର ମର୍ଯ୍ୟାଦା, ସ୍ୱାଭିମାନ, ସ୍ୱାଧୀନତା, ପିଲାମାନଙ୍କ ସୁରକ୍ଷା ଏବଂ ୟୁରୋପ ପାଇଁ ଲଢୁଛି ବୋଲି କହିଛନ୍ତି ଫ୍ରାନ୍ସ ରାଷ୍ଟ୍ରପତି । ଜର୍ମାନ ଚାନ୍ସେଲର ଓଲାଫ୍ ସ୍କଲଜ୍ ଆଶ୍ୱାସନା ଦେଇଛନ୍ତି ଯେ ୟୁକ୍ରେନ ଜର୍ମାନୀ ଏବଂ ୟୁରୋପ ଉପରେ ଭରସା କରିପାରିବ। ସ୍ପେନ୍ ଏବଂ ପୋଲାଣ୍ଡର ପ୍ରଧାନମନ୍ତ୍ରୀ ମଧ୍ୟ ଜେଲେନ୍ସକିଙ୍କ ସହ ଏକତା ପ୍ରକାଶ କରି କହିଥିଲେ: "ଆପଣ ଏକା ନୁହଁନ୍ତି ।" ଆମେମାନେ ଆପଣଙ୍କ ସହିତ ରହିଛୁ । 

ସେହିପରି, ୟୁରୋପୀୟ କମିଶନର ଅଧ୍ୟକ୍ଷ ଉର୍ସୁଲା ଭନ୍ ଡେର୍ ଲେଏନ୍ କହିଛନ୍ତି: "ପ୍ରିୟ ରାଷ୍ଟ୍ରପତି, ଆପଣ କେବେବି ଏକା ନୁହଁନ୍ତି ।" "ଆପଣଙ୍କର ମର୍ଯ୍ୟାଦା ୟୁକ୍ରେନୀୟ ଲୋକଙ୍କ ସାହସକୁ ସମ୍ମାନ କରେ । ଶକ୍ତିଶାଳୀ ହୁଅ, ସାହସୀ ହୁଅ, ନିର୍ଭୀକ ହୁଅ । ଆମେ ଏକ ନ୍ୟାୟପୂର୍ଣ୍ଣ ଏବଂ ସ୍ଥାୟୀ ଶାନ୍ତି ପାଇଁ ଆପଣଙ୍କ ସହିତ କାମ କରିବୁ । 

ଟ୍ରମ୍ପଙ୍କ ବଡ଼ କାର୍ଯ୍ୟାନୁଷ୍ଠାନ  
ଏହି ଘଟଣା ପରେ, ଆମେରିକୀୟ କର୍ତ୍ତୃପକ୍ଷ ୟୁକ୍ରେନକୁ ଯୋଗାଇ ଦିଆଯାଉଥିବା ସହାୟତାରେ ସମ୍ଭାବ୍ୟ ଠକେଇ ଏବଂ ଅପବ୍ୟବହାରର ତଦନ୍ତକୁ ତୀବ୍ର କରିବାକୁ ନିଷ୍ପତ୍ତି ନେଇଛନ୍ତି । ଏଲୋନ୍ ମସ୍କ ଏବଂ ତାଙ୍କର 'ସରକାରୀ ଦକ୍ଷତା ବିଭାଗ' ପୂର୍ବରୁ ଏହି ବିଷୟଗୁଡ଼ିକର ତଦନ୍ତ କରୁଥିଲେ, କିନ୍ତୁ ଏବେ ଏହି ପ୍ରୟାସଗୁଡ଼ିକୁ ତ୍ୱରାନ୍ୱିତ କରାଯିବ ।

‘ଜେଲେନସ୍କି ତୃତୀୟ ବିଶ୍ୱଯୁଦ୍ଧର ଗ୍ୟାମଲର୍’
ଉପରାଷ୍ଟ୍ରପତି ଜେଡି ବେନ୍ସ ଜେଲେନସ୍କିଙ୍କ ଉପରେ ଆମେରିକାକୁ ଅପମାନିତ କରିବାର ଅଭିଯୋଗ ଆଣିଥିଲେ । ତେଣୁ ଟ୍ରମ୍ପ ୟୁକ୍ରେନ ରାଷ୍ଟ୍ରପତିଙ୍କୁ ଅନେକ ଥର ଭର୍ତ୍ସନା କରିଥିଲେ । ଟ୍ରମ୍ପ ଜେଲେନସ୍କିଙ୍କୁ ତୃତୀୟ ବିଶ୍ୱଯୁଦ୍ଧର ଗ୍ୟାମଲର୍ ବୋଲି ମଧ୍ୟ କହିଥିଲେ । ଏହା ପରେ ୟୁକ୍ରେନ୍ ରାଷ୍ଟ୍ରପତି ଜେଲେନସ୍କି କ୍ରୋଧିତ ହୋଇ ସେଠାରୁ ଚାଲିଯାଇଥିଲେ ।