ବ୍ରହ୍ମପୁରରେ ଏନକାଉଣ୍ଚର, ଦୁର୍ଦ୍ଧାନ୍ତ ଅପରାଧୀ ସୁନୀଲ ପୁଲିସ ଗୁଳିରେ ଆହତ

କନକ ବ୍ୟୁରୋ:  ଦୁର୍ଦ୍ଧାନ୍ତ ଅପରାଧୀ ସୁନୀଲକୁ ଏନକାଉଣ୍ଟର । ବ୍ରହ୍ମପୁର ପୁଲିସ ଜିଲ୍ଲା ଗୋଳନ୍ଥରା ଥାନା ପକ୍ଷରୁ ଜଣେ ଦୁର୍ଦ୍ଦାନ୍ତ ଅପରାଧୀ ସୁନିଲ ନାହାକ ଓରଫ ମଲ୍ଲକୁ ଏନକାଉଣ୍ଟର କରାଯାଇଛି । ବ୍ରହ୍ମପୁର ଏସପିଙ୍କ ନିର୍ଦ୍ଦେଶରେ ଥାନା ଅଧିକାରୀ ବିବେକନନ୍ଦ ସ୍ୱାଇଁ ଓ ତାଙ୍କ ଟିମ ଦୁର୍ଦ୍ଦାନ୍ତ ଅପରାଧୀକୁ ଏନକାଉଣ୍ଟର କରିଥିବା ଜଣାପଡ଼ିଛି । ପିତାତଳି - ଚିକିଟି ରୋଡ଼ରେ ଆଜି ଭୋରରୁ ସୁନୀଲକୁ ଧରିବାକୁ ସ୍ପେସିଆଲ ଟିମ ଚଢ଼ାଉ କରିଥିଲା । ହେଲେ ସୁନୀଲ ପୁଲିସ ଉପରକୁ ୨ ରାଉଣ୍ଡ ଗୁଳି ଚଳାଇଥିଲା । ଫଳରେ ପୁଲିସ ଗାଡ଼ିରେ ଏହି ଗୁଳି ବାଜିଥିଲା ।

ସୁନିଲ ଏକ ଦୁର୍ଦ୍ଦାନ୍ତ ଅପରାଧୀ ନିମଖଣ୍ଡି ଥାନା ଲୁଟ୍ ଘଟଣା ସମେତ ଅନ୍ୟାନ୍ୟ ମାମଲାରେ ସମ୍ପୃକ୍ତ ରହି ଫେରାର ଥିଲା । ୨ ହତ୍ୟାକାଣ୍ଡ, ଡକାୟତି, ଚୋରି, ଛିନତାଇ ସହ ୨୦ଟି ସଙ୍ଗୀନ ମାମଲା ରହିଛି ସୁନିଲ ବିରୋଧରେ । ବ୍ରହ୍ମପୁର ସହରରେ ଅପରାଧୀକୁ ରୋକିବା ପାଇଁ ଏବେ ଆକ୍ସନ ମୋଡ୍‌ରେ ପୋଲିସ । ପୁଲିସକୁ ଏନକାଉଣ୍ଟର ପାଇଁ ଅନୁମତି ମିଳିଯାଇଛି । ତେଣୁ ଅପରାଧୀମାନେ ଯଦି ସାବଡ଼ ନ ହେବେ ତେବେ ସେମାନଙ୍କୁ ଏଭଳି ଏନକାଉଣ୍ଟର କରାଯିବ ବୋଲି ପୁଲିସ ପକ୍ଷରୁ ସୂଚନା ମିଳିଛି । ବର୍ତ୍ତମାନ ବ୍ରହ୍ମପୁର ପୁଲିସ ଦୁର୍ଦ୍ଦାନ୍ତ ଅପରାଧୀଙ୍କ ଏକ ତାଲିକା କରିଥିବା ଜଣାପଡିଛି । ସୁନିଲ ନିମଖଣ୍ଡି ଥାନା ଲୁଟ୍ ଘଟଣା ସମେତ ଅନ୍ୟାନ୍ୟ ମାମଲାରେ ସମ୍ପୃକ ରହି ଫେରାର ରହିଥିବା ଜଣାପଡ଼ିଛି ।