ଯାଜପୁର ଝୁମ୍ପାଣ ଅଞ୍ଚଳରେ ହାତୀ ଆତଙ୍କ ; ଖାଦ୍ୟ ପାଇଁ ଗାଁ ଭିତରକୁ ପଶିଆସୁଛି ହାତୀ

କନକ ବ୍ୟୁରୋ:  ଯାଜପୁର ଜିଲ୍ଲା କଳିଙ୍ଗନଗର ଥାନା ଝୁମ୍ପାଣ ଅଞ୍ଚଳରେ ହାତୀ ଆତଙ୍କ । ଖାଦ୍ୟ ଅନ୍ୱେଷଣରେ ଏକ ଦନ୍ତାହାତୀ ନିକଟସ୍ଥ ମହାଗିରୀ ପାହାଡ଼ରୁ ଏଠାକୁ ଚାଲିଆସିଥିବା ସନ୍ଦେହ କରାଯାଉଛି । ତେବେ ହାତୀଟି ଏପର୍ୟ୍ୟନ୍ତ କୌଣସି ଧନଜୀବନ କ୍ଷତି କରିନଥିବା ବେଳେ ବନବିଭାଗ ପକ୍ଷରୁ ହାତୀ ଘୋଉଡାଇବାକୁ ଉଦ୍ୟମ ଜାରି ରହିଛି । ହାତୀଟିକୁ ଆଜି ସକାଳୁ ପ୍ରଥମେ ଗୋବରଘାଟି ଅଞ୍ଚଳରେ ଦେଖିବାକୁ ମିଳିଥିଲା । ପରେ ହାତୀଟି ୫୩ ନମ୍ବର ଜାତୀୟ ରାଜପଥ ଦେଇ ଝୁମ୍ପାଣ ଅଞ୍ଚଳରୁ ସୁକିନ୍ଦା ଥାର୍ଡ ରିଜର୍ଭ ବାଟାଲିୟନ ଅଭିମୁଖେ ଚାଲି ଆସିଛି । ଟମକା ଓ ସୁକିନ୍ଦା ବନାଞ୍ଚଳ ଅଧିକାରୀମାନେ ଘଟଣାସ୍ଥଳରେ ଉପସ୍ଥିତ ରହି ହାତୀଟିକୁ ଜଙ୍ଗଲକୁ ଘଉଡ଼ାଇବାକୁ ଉଦ୍ୟମ ଜାରି ରଖିଛନ୍ତି ।