କନକ ବ୍ୟୁରୋ: ଦଳିଦେଲା ଦନ୍ତା । ସମ୍ବଲପୁର ନାକଟିଦେଉଳ ବାନାଞ୍ଚଳ ଘୋଷରାମାଳ ଫରେଷ୍ଟ ସେକ୍ସନ ଅନ୍ତର୍ଗତ ପଥୁରିଆ ଗାଁରେ ହାତୀ ଆତଙ୍କ । ବୁଧୁବାର ବିଳମ୍ବିତ ରାତିରେ ହାତୀ ଆକ୍ରମଣରେ ୫୫ ବର୍ଷୀୟ ବ୍ୟକ୍ତି ଙ୍କର ଶୋଚନୀୟ ମୃତ୍ୟୁ ହୋଇଛି । ମୃତ ବ୍ୟକ୍ତି ହେଲେ ପଥୁରିଆ ଗାଁର ଧୂତ ଦେହୁରୀ । ସେ ଗତ କିଛି ବର୍ଷ ହେଲା ଗାଁ ମୁଣ୍ଡରେ ଏକ କୁଡ଼ିଆ ଘର କରି ଏକାକୀ ରହୁଥିଲେ । ଗତ ରାତିରେ ହାତୀ ଖାଦ୍ୟ ସନ୍ଧାନରେ ଗାଁ ମୁଣ୍ଡ ଜମିକୁ ଆସି ଧୂତ ଦେହୁରୀଙ୍କ କୁଡ଼ିଆ ଘର କୁ ଭାଙ୍ଗି ଦେଇ ତାଙ୍କୁ ଦଳି ଚକଟି ଦେଇଥିଲା । ଆଜି ସକାଳୁ ଗାଁ ଲୋକ ଧାନ କ୍ଷେତକୁ ଯିବାବେଳେ ଧୂତ ଦେହୁରୀଙ୍କ ଖଣ୍ଡ ବିଖଣ୍ଡିତ ମୃତ ଦେହ ଦେଖିବାକୁ ପାଇଥିଲେ । ଏବେ ବନ ବିଭାଗ ଅଧିକାରୀ ପହଞ୍ଚି ମୃତଙ୍କ ପରିବାରକୁ ଅନୁକମ୍ପା ରାଶି ପ୍ରଦାନ କରିବାକୁ ପ୍ରତିଶ୍ରୁତି ଦେଇଛନ୍ତି । 

Advertisment