ରାୟଗଡ଼ା ନିୟମଗିରି ଅଞ୍ଚଳରେ ହାତୀ ଆତଙ୍କ, ରାତି ହେଲେ ଉତ୍ପାତ କରୁଛନ୍ତି ହାତୀପଲ, ମାଣ୍ଡିଆ ଭିତରେ ଥିବା ୮୦ ହଜାର ଟଙ୍କା ଖାଇଗଲେ ହାତୀ

କନକ ବ୍ୟୁରୋ :  ରାୟଗଡ଼ା ଜିଲ୍ଲା ନିୟମଗିରି ଅଞ୍ଚଳରେ ହାତୀ ଆତଙ୍କ । ରାତିରେ ଘର ଭାଙ୍ଗି ଧାନ ଚାଉଳ ମାଣ୍ଡିଆ ସହ ଖାଇଗଲେ ଟଙ୍କା ।  ୨୪ ଟିକିଆ ହାତୀପଲ ଦୁଇ ଦିନ ଭିତରେ କାଟ୍ରିଗୁଡା ଗାଁର ତିନୋଟି ଘର ଭାଙ୍ଗି ଦେଇଛନ୍ତି । ଏହାସହ ଘର ଭିତରେ ଥିବା ଧାନ ଚାଉଳ, କାନ୍ଦୁଲ, ମାଣ୍ଡିଆ ସହିତ ନଗଦ ୮୦ ହଜାରରୁ ଅଧିକ ଟଙ୍କା ଖାଇଯାଇଥିବା ଜଣା ପଡିଛି । ଗତ ୭ ଦିନ ହେବ ଏହି ହାତୀପଲ ନିୟମଗିରି ଅଞ୍ଚଳରେ ଫସଲ ନଷ୍ଟ କରୁଛନ୍ତି । ଲୋକମାନେ ମାଣ୍ଡିଆ ଭିତରେ ରଖିଥିବା ନଗଦ ୮୦ ହଜାରରୁ ଅଧିକ ଟଙ୍କାକୁ ହାତୀ ଖାଇଦେଇଛନ୍ତି । ସନ୍ଧ୍ୟା ହେଲେ ହାତୀ ଭୟ ହେଉଥିବା କହିଛନ୍ତି ୱାର୍ଡ ମେମ୍ବର।