ଘର ଭାଙ୍ଗୁଛି ହାତୀ ; ନୀଳଗିରି ଅଞ୍ଚଳରେ ଗଜରାଜ ଆତଙ୍କ, ବନ କର୍ମଚାରୀଙ୍କୁ ଅଟକ ରଖିଲେ ଗାଁଲୋକ ।

କନକ ବ୍ୟୁରୋ: ନୀଳଗିରିରେ ହାତୀ ଉପଦ୍ରବ। ବନ କର୍ମଚାରୀଙ୍କୁ ଅଟକ କଲେ ଗ୍ରାମବାସୀ। ଗାଁରେ ପଶି ଧାନ ଚାଉଳ ନଷ୍ଟ କରିବା ସହ ପରିବା ଓ ଫସଲ ନଷ୍ଟ କରିଚାଲିଛି ହାତୀ। ପ୍ରତିଦିନ ହାତୀ କେଉଁଠି ନା କେଉଁଠି ତାଣ୍ଡବ ରଚୁଥୁବା ବେଳେ ଆଜି ଔପଦା ବ୍ଲକ ଢୋଲପୁର ଗ୍ରାମରେ ବହୁ କ୍ଷୟକ୍ଷତି କରିଥବା ଦେଖିବାକୁ ମିଳିଛି। ନିକଟ ଜଙ୍ଗଲରୁ ଭୋର ସମୟରେ ହାତୀ ଗାଁ ମୁହାଁ ହୋଇଛି । ସକାଳୁ ଗାଁର ଗ୍ରାମର ବହୁ ଲୋକଙ୍କ ବାଡ଼ିରେ ପଶି ଚାଷ ନଷ୍ଟ କରିଥିଲା। ଲୋକେ ଭୟଭୀତ ହୋଇପଡିଥିବା ବେଳେ  ହାତୀକୁ ଘଉଡାଇବାକୁ ବନବିଭାଗ ଉଦ୍ୟମ ଜାରି ରଖିଛି। ତେବେ ଉତ୍ୟକ୍ତ ଗ୍ରାମବାସୀ ବନ କର୍ମଚାରୀଙ୍କୁ ଅଟକ ରଖିଥିବା ଜଣାପଡିଛି।