ପୁଅ ପାଇଁ ଅଲୋଡ଼ା ବୃଦ୍ଧ ବାପା-ମା : ୭ ଦିନ ହେବ ବାରଣ୍ଡାରେ କଟୁଛି ଜୀବନ

କନକବ୍ୟୁରୋ : ଅସହାୟ ଅବସ୍ଥାରେ ପୂର୍ବତନ ସେନା କର୍ମଚାରୀ ଓ ତାଙ୍କ ସ୍ତ୍ରୀ ।  ୮ ଦିନ ହେଲା ଖରା ବର୍ଷାରେ ଘର ଆଗରେ ପଡ଼ି ରହିଛନ୍ତି ।  ଘରେ ପୁଅ ତାଲା ପକାଇବାରୁ ବାହାରେ କଟୁଛି ଜୀବନ ।  ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଆଇତିପୁର ଗ୍ରାମରୁ ଆସିଛି ଏଭଳି ଅଭାବନୀୟ ଘଟଣା ।  ପୂର୍ବତନ ସେନା କର୍ମଚାରୀ ଜଣକ ହେଲେ ଗୌରହରି ପ୍ରଧାନ ।

ଗୌର ହରୀଙ୍କ ଦୁଇଟି ପୁଅ । ବଡ଼ ପୁଅ କିଛି ବର୍ଷ ପୂର୍ବେ ମୃତ୍ୟୁବରଣ କରିଥିବା ବେଳେ ସାନ ପୁଅ ଅଛି । ସାନ ପୁଅ ଏବେ ବାପା ମା’ଙ୍କୁ ଅଲୋଡ଼ା କରିଦେଇଛି । ବାପା ମା’ ରହୁଥିବା ଘରେ ତାଲା ମାରିବା ସହ ସେ ବ୍ୟବହାର କରୁଥିବା ପାଇଖାନାକୁ ଭାଙ୍ଗିଦେଇଛି ସାନ ପୁଅ । ୭ ଦିନ ହେଲା ସାନ ପୁଅ ଘରେ ତାଲା ମାରିଥିବାରୁ ଗୌରହରି ଓ ତାଙ୍କ ସ୍ତ୍ରୀ ଗାଁ ରାସ୍ତାରେ ଦିନରାତି କାଟୁଛନ୍ତି ।

ବଞ୍ଚିବା ପାଇଁ ସଙ୍ଘର୍ଷ କରୁଛନ୍ତି । ଆଖିଆପିଆ ପଡ଼ି ରହିଛନ୍ତି । ସେପଟେ ଏନେଇ ପୁଲିସ୍  ନିକଟରେ ଅଭିଯୋଗ କରିଥିଲେ ମଧ୍ୟ ପୁଲିସ୍  କିଛି ବୁଝୁନଥିବା ବା ଶୁଣୁ ନଥିବା ସେ ଅଭିଯୋଗ କରିଛନ୍ତି । ସେପଟେ ଦେଶକୁ ସୁରକ୍ଷା ଦେଉଥିବା ପୂର୍ବତନ ସେନା କର୍ମଚାରୀଙ୍କୁ କିଏ ଦବ ସୁରକ୍ଷା ଓ ସେ କେମିତି ବାକି ଜୀବନ କଟିବେ ତାକୁ ନେଇ ଉଠିଛି ପ୍ରଶ୍ନ ।