/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/media_files/2024/12/28/9EgUQ7Rtdw4awfkWKs0b.jpg)
କନକବ୍ୟୁରୋ : ମେଡିକାଲ ଶଯ୍ୟାରେ ୧୬ ବର୍ଷୀୟ ଦୀପକ । ଆର୍ଥିକ ଅନଟନରୁ ହୋଇ ପାରୁନି ଚିକିତ୍ସା । ସାଙ୍ଗକୁ ବଂଚାଇବାକୁ ଗାଁ ଗାଁ ଘର ଘର ବୁଲି ସାଙ୍ଗ ମାଗୁଛନ୍ତି ଭିକ୍ଷା । ସେପଟେ ଦୀପକଙ୍କ ମା ଓ ସାହି ପଡିଶାଙ୍କ ଆଖିରୁ ଲୁହ ଶୁଖୁନି । ସରକାରୀ ସହାୟତା ହେଲେ ବଂଚିବ ଦୀପକ ଜୀବନ । ଆସନ୍ତୁ ଦେଖିବା ଖଲ୍ଲିକୋଟରୁ ଏହି ରିପୋର୍ଟ ।
ଗଞ୍ଜାମ ଜିଲ୍ଲା ଖଲ୍ଲିକୋଟ ଏନଏସି ୧୦ ନଂ ଓାର୍ଡ ବାଲୁକେଶ୍ୱରପୁର ଗ୍ରାମର ଟିଟୁ ପ୍ରଧାନଙ୍କ ପୁଅ ଦୀପକ ପ୍ରଧାନ । ମେଡିକାଲ ବେଡ ରେ ପଡି ବଂଚିବାର ରାହା ଦେଖୁଛି ଦୀପକ । ଦୀପକଙ୍କ ବୟସ ଯେତେବେଳେ ୪ ବର୍ଷ ହୋଇଥିଲା ସେ ପଡି ଯାଇଥିଲେ । ଆଉ ତାଙ୍କ ଶରୀରରେ ଗୁରୁତର ଭାବେ ଆଘାତ ଲାଗିଥିଲା । କିନ୍ତୁ ସେତେବେଳେ ଚିକିତ୍ସା ପରେ ଦୀପକ ଭଲ ହୋଇଯାଇଥିଲେ ।
କିନ୍ତୁ ଦୀପକ ଙ୍କୁ ୧୬ ବର୍ଷ ହେବା ପରେ ତାଙ୍କୁ ସେତେବେଳେ ହୋଇଥିବା ଆଘାତ ପୁଣି ଏବେ ତାଙ୍କ ଦେହରେ ଯନ୍ତ୍ରଣା ହେବାର ଦେଖିବାକୁ ମିଳିଥିଲା । ପରିବାର ଲୋକ ଦୀପକଙ୍କୁ ମେଡିକାଲରେ ଭର୍ତି କରିଥିଲେ । ଡାକ୍ତରଙ୍କ ଦ୍ୱାରା ଚିକିତ୍ସା ପରେ ଜାଣିବାକୁ ପାଇଥିଲେ ତଳେ ଦିନେ ହୋଇଥିବା ଅପରେସନ ସମୟରେ ବେକ ପାଖରେ ଗୋଟିଏ ଶିର ଚିପି ହୋଇ ରହିଛି ।
ଯାହାଫଳରେ ସେ ଅସୁସ୍ଥ ହୋଇଛନ୍ତି । ତେବେ ସେହି ଶିରକୁ ଠିକ କରିବାକୁ ହେଲେ ପୁଣି ଅପରେସନ କରିବାକୁ ପଡିବ । ଭୁବନେଶ୍ୱରର ଏକ ଘରୋଇ ମେଡିକାଲରେ ଦୀପକ ଚିକିତ୍ସା ହେଉଛନ୍ତି । ତେବେ ତଳ ଦିନେ ହୋଇଥିବା ଦୁର୍ଘଟଣା ପୁଣି ୧୨ ବର୍ଷ ପରେ ବାହାରିବ ତାହା କେହି ବିଶ୍ୱାସ କରିନଥିଲେ ।
କାରଣ ସେତେବେଳେ ଘଟଣା ପରେ ଚିକିତ୍ସା ହୋଇ ଦୀପକ ସମ୍ପୁର୍ଣ୍ଣ ଭଲ ହେବା ସହ ଯୁକ୍ତ ଦୁଇ ରେ ପାଠ ପଢୁଥିଲେ । ଏବେ ଦୀପକ ଙ୍କ ଏପରି ଅବସ୍ଥା ଦେଖି ପରିବାର ଓ ସାହି ପଡିଶାଙ୍କ ଆଖିରୁ ଲୁହ ଶୁଖୁନି ।
ତା ସହ ବିଜୁ ସ୍ୱାସ୍ଥ୍ୟ କାର୍ଡରେ ଥିବା ସମସ୍ତ ଟଙ୍କା ମଧ୍ୟ ସରିଯାଇଛି । ଯାହା ଫଳରେ ଏବେ ଦୀପକଙ୍କ ପାଇଁ ଆହୁରି ୧୨ ଲକ୍ଷ ଟଙ୍କା ଆବଶ୍ୟକ ରହିଛି ।
ତେବେ ପରିବାର ଆର୍ଥିକ ସ୍ୱଛଳ ନଥିବାରୁ କେମିତି ପୁଅର ଚିକିତ୍ସା କରିବେ ଚିନ୍ତାରେ ପଡିଥିବା ବେଳେ ଦୀପକର ସାନ ଭାଇ ଓ ଦୀପକ ଙ୍କ ସାଙ୍ଗ ମାନେ ଗାଁ କୁ ଗାଁ ଓ ଘର କୁ ଘର ବୁଲି ଭିକ୍ଷା ମାଗୁଛନ୍ତି ।
କିଏ ୧୦ ଟଙ୍କା କିଏ ୨୦ ଟଙ୍କା ଦେଉଥିବା ବେଳେ ସାଙ୍ଗମାନେ ମଧ୍ୟ ସରକାରଙ୍କୁ ଅନୁରୋଧ କରିଛନ୍ତି ଦୀପକଙ୍କୁ ସରକାରୀ ସହାୟତା ଯୋଗାଇଲେ ଦୀପକଙ୍କ ଅପରେସନ ହେବା ସହ ଦୀପକଙ୍କ ଜୀବନ ବଂଚି ପାରିବ ବୋଲି କହିଛନ୍ତି ।
ଫୋନ ପେ - ୬୩୭୧୭୨୧୦୭୦ (ମାନସ ପ୍ରଧାନ ,ଦୀପକଙ୍କ ସାନ ଭାଇ)
ଆକାଉଂଟ ନଂ – ୯୨୨୦୧୦୦୨୬୩୫୯୩୪୨
ଆକ୍ସିସ ବ୍ୟାଙ୍କ ଖଲ୍ଲିକୋଟ
UTIB0000052